रइपुर, 01 जुलाई 2022
मुख्यमंत्री स्लम स्वास्थ्य योजना के मोबाइल मेडिकल यूनिट के चिकित्सा दल सहर मन म गरीब मन के बस्ती-बस्ती पहुंचके जरूरतमंद लोगन के इलाज फोकट म करत हावय। गरीब लोगन कतकोन सेति अस्पताल तक नही पहुंचे पावत रिहिसे जेकर सेति उन्कर इलाज सही बेरा म नइ होए पावत रिहिसे।
फेर मुख्यमंत्री दाऊ भूपेश बघेल ह गरीब -गुरबा के पीरा ल समझीस अउ गरीबन के इलाज खातिर मुख्यमंत्री दाऊ भूपेश बघेल के मंशा के अनुरूप शहरी क्षेत्र म रहइया लोगन मन ल फोकट म स्वास्थ्य जांच, परामर्श अउ उपचार के सुविधा उपलब्ध कराए के उद्देश्य ले जिला के नगरीय निकाय मन म मुख्यमंत्री शहरी स्लम स्वास्थ्य योजना संचालित करे जावत हावय। मुख्यमंत्री शहरी स्लम स्वास्थ्य योजना अंतर्गत स्वास्थ्य सुविधा उपलब्ध कराए के उद्देश्य से मोबाईल मेडिकल यूनिट के सुविधा प्रारंभ करके दूरिहा के रहइया जरूरतमंद लोगन मन तक स्वास्थ्य परीक्षण खातिर बेहतर साधन उपलब्ध कराय गे हावय। मोबाईल मेडिकल यूनिट के माध्यम ले लोगन मन के खून जांच, थायराइड, मलेरिया, टाइफाइड, ब्लड प्रेशर, पल्स, शुगर, सीबीसी, यूरीन, हिमोग्लोबिन, कोलेस्ट्रॉल, सिकलिन, लिवर, किडनी जइसे लगभग 27 प्रकार के लैब टेस्ट के सुविधा उपलब्ध हे। अउ आने जांच कुशल लैब टेक्नीशियन अउ अत्याधुनिक सुविधा वाले मशीन मन ले करे जाही।
मुख्यमंत्री स्वास्थ्य स्लम योजना के तहत अभीन तक करीब 23 लाख ले जादा मनखे मन के इलाज छत्तीसगढ़ के शहरी इलाका के स्लम बस्तियों म करे जा चुके हावय।
छत्तीसगढ़ शासन के नगरीय प्रशासन अउ विकास विभाग कोति ले संचालित मुख्यमंत्री शहरी स्लम स्वास्थ्य योजना के तहत अब तक मोबाइल मेडिकल टीम द्वारा 23 लाख नौ हजार 52 लोगन मन के फोकट म इलाज करे जावत हे। एकर तहत राज्य के 169 नगरीय निकाय के स्लम बस्ती मन म अब तक मोबाइल मेडिकल यूनिट टीम कोति ले 32 हजार 671 कैम्प लगाके लोगन के फोकट म जाँज अउ उपचार करके दवई देहे गे हावय।