रायपुर, प्रदेश सरकार ह महत्वाकांक्षी सुराजी गांव योजना संचालित करत हे। एमा नरवा, गरूवा, घुरूवा अऊ बाड़ी के क्रियान्वयन बर कई ठन गतिविधि होवत हे। शासन के मुताबिक हरेक जिला म 15 प्रतिशत ग्राम पंचायत मन के चिन्हांकन करे जात हे। हरेक विकासखंड म एक माडल ग्राम पंचायत के चयन करके योजना ल क्रियान्वित करे के जिम्मेवारी जिला प्रशासन ल देहे गए हे।
जेखर फलस्वरूप शासन के ये महत्वपूर्ण योजना के क्रियान्वयन बर जिला, जनपद अऊ ग्राम पंचायत स्तर म प्रस्ताव आमंत्रित करके स्थल निरीक्षण के संगें-संग कई ठन गतिविधि मन के माध्यम ले विकासखंड बेमेतरा ले 19 ग्राम पंचायत मन ल एन.जी.जी.बी. के क्रियान्वयन बर प्राथमिक रूप ले चयन करे गए हे, जेमां ग्राम पंचायत बटार ल माडल ग्राम पंचायत के रूप म चिन्हित करे गए हे। जिला प्रशासन कोति ले माडल गौठान चयन बर पारंपरिक गौठान, बहुत जगा, मीर म जलस्त्रोत के उपलब्धता, पेड़ के उपलब्धता ल अनिवार्य करे गए हे। पंचायत प्रतिनिधि पंच-सरपंच ग्राम पंचायत के संगें-संग गांव वाले मन के सक्रिय भागीदारी आदि मानक मन म खरा उतरे के बाद ग्राम पंचायत बटार ल माडल ग्राम पंचायत के रूप म विकसित करे बर चयन करे गीस। जेखर बर सरपंच रमेश दत्त दुबे के घलोक सक्रिय भूमिका रहिस। अभिशरण के अंतर्गत उद्यानिकी विभाग ले पौधा अऊ बाड़ी विकास काम कृषि विभाग वर्मी बेड/भू-नाडेब/घुरवा पशुपालन पशु चारा बीज, स्वास्थ्य परीक्षण अऊ आन गतिविधि मन संचालित करे जात हे।