अम्बिकापुर, कलेक्टोरेट सभाकक्ष म मंगल के आयोजित जनचौपाल म कलेक्टर श्री कुंदन कुमार ह मनखे मन के समस्या सुनिन अऊ जल्दी निराकरण के निर्देश दीन। ये बेरा म मैनपाट विकासखण्ड के ग्राम पंचायत राजापुर निवासी करीबन 3 फूट के 26 बछर के अंकित लकड़ा ल ट्राइसिकल दे गीस। एखर संगेच दरिमा तहसील के ग्राम मुकुन्दपुर निवासी दिव्यांग भुवनेश्वर दास ल समाज कल्याण विभाग कोति ले दिव्यांग विवाह प्रोत्साहन योजना अंतर्गत 50 हजार रूपिया के चेक दे गीस।
अंकित ह बताइस कि छोटे कद होए के सेती चले फिरे म दिक्कत होथे। लंबा दूरी आए-जाए म अऊ जादा समस्या होथे। ट्राईसिकल मिल जाय ले अब आसानी ले आना जाना हो सकही।
अम्बिकापुर के बाठू अंकित ल मिलीस ट्राईसिकल
