समाज कल्याण विभाग ह दू झन ल दीस बैटरी चलित ट्रायसायकल

कोण्डागांव, 27 जनवरी के समाज कल्याण विभाग कोति ले दिव्यांग मन ल सहायक उपकरण के वितरण करे गीस। जेखर तहत् दू हितग्राही मन ल बैटरी चलित ट्रायसायकल प्रदान करे गीस।
विकासखण्ड कोण्डागांव के ग्राम पंचायत गिरोला के निवासी अऊ गिरोला लैम्पस म लिपिक पद म कार्यरत 40 वर्षीय चेतन कुमार दीवान ल ट्रायसायकल प्रदान करे गीस। चेतन के कुछ साल पहिली एक सड़क दुर्घटना म स्पाइनल कॉर्ड म गंभीर चोट के सेती चले फिरे म असमर्थ हो गये रहिस अऊ परिवार के भरण पोषण करे म वोला कठिनाई के सामना करना परत रहिस। ओ ह स्वंय कार्यालय जाय म असमर्थ हो गये रहिस अइसन म बैटरी चलित ट्रायसायकल मिले ले अब ओ ह आत्मनिर्भर महसूस करत हे। ओ ह अपन कार्यालय म स्वंय जाके काम करे म सक्षम हो गये हे। ट्रायसायकल बर वो ह शासन प्रशासन के आभार व्यक्त करे हे।
ग्राम पंचायत सिरसीकलार निवासी घनश्याम मण्डावी ल घलोक विभाग कोति ले बैटरी चलित ट्रायसायकल प्रदान करे गीस। जेखर से अब ओ ह आत्मनिर्भर महसूस करत हे। ओखर पहिली ले व्यवसाय करे के इच्छा रहिस फेर अपन असमर्थता के सेती ओ ह व्यवसाय करे म असमर्थ रहिस। ट्रायसायकल मिले ले अब वो ह रोजगार बर नवा व्यवसाय चालू करे के बात कहिस। वो ह ट्रायसायकल मिले ले अब आत्मनिर्भर हो सकही अऊ अलग-अलग जगा म जाके घलोक व्यवसाय कर सकही। ये बेरा म समाज कल्याण विभाग के उपसंचालक ललिता लकड़ा संग आन विभागीय अधिकारी-कर्मचारी अऊ हितग्राही मन के परिजन उपस्थित रहिन।