अंबिकापुर, 20 दिसम्बर 2020। सरगुजा जिला के उदयपुर वन परिक्षेत्र म मादा भालू ह दू शावक मन ल जन्म दीस हे। गांव के करीब शावक ल जन्म देहे जाए के बाद ले भालु मन के डेरा गांव के करीब हे, जेखर ले ग्रामीण दहशत म हे।
वन विभाग के टीम नन्हा शावक मन के निगरानी करत हे। संगे संग ये कोशिश म लगे हे कि भालू गांव के तरफ रुख न करें। दरअसल उदयपुर थाना क्षेत्र के खरसुरा गांव के करीब खाली खेत म गांव के लोग न ह जब दू नन्हा भालू के शावक मन ल देखिस त लोगन म दहशत फैलगे।
मादा भालू घलो शावक मन के करीब ही मौजूद रहिस, लोगन ह तुरन्त एखर सूचना वन विभाग ल दीस। जेखर बाद वन विभाग के अमला मउका म पहुंचीन अऊ नन्हा भालू शावक मन के निगरानी म जुट गए हे। दू नन्हा भालू मन ल ठंड ले बचाए के संग ही लोगन अऊ भालू के बीच म दूरी बने रहे। एखर बर घलो वन विभाग के अमला कवायद म जुटे हे।
