रायपुर, 21 दिसम्बर 2023 । सौंदर्यीकरण के तहत मुख्य चौक अऊ सड़क के दुनों कोति के बगइचा मन म छत्तीसगढ़ के लोक संस्कृति अउ लोक कला ल प्रदर्शित करे गए हे। चौक के बीच म अऊ दुनों कोति के बगइचा मन के सौंदर्यीकरण 37.95 लाख रुपिया के लागत ले करे गए हे।
ये बेरा म विधानसभा अध्यक्ष डॉ. रमन सिंह, नेता प्रतिपक्ष डॉ. चरणदास महंत, विधायक सर्वश्री अजय चंद्राकर, श्री रामविचार नेताम, श्रीमती गोमती साय, श्री दयालदास बघेल, श्री मोती लाल साहू, श्री प्रबोध मिंज, श्री पुरन्दर मिश्रा, श्री गुरू खुशवंत साहेब, श्री अनुज शर्मा, श्रीमती भावना बोहरा संग बहुत अकन विधायकगण, विधानसभा सचिव श्री दिनेश शर्मा घलोक उपस्थित रहिन।
मोवा-विधानसभा फोरलेन मार्ग (लोक निर्माण विभाग के मुख्य जिला मार्ग) म स्थित चौक करीबन 20 साल पहिली बनाए गए रहिस। मोवा-विधानसभा फोरलेन मार्ग म स्थित चौक के गोलाई बहुत होए के सेती हमेशा दुर्घटना के संभावना बने रहत रहिस। चौक के गोलाई ल कम करके विधानसभा के गरिमा अनुरुप चौक के सौंदर्यीकरण के काम कराए गीस। विधानसभा पहुँच मार्ग म मार्ग के दुनों कोति स्थित उद्यान करीबन 16 साल पहिली बनवाए गये रहिस। काबर कि ओ दुनों उद्यान छत्तीसगढ़ विधानसभा भवन के प्रवेश मार्ग म स्थित हे। जेखर सेती ओ दुनों उद्यान म छत्तीसगढ़ संस्कृति के झलक होवय अउ छत्तीसगढ़ विधानसभा भवन के गरिमा के अनुरुप उद्यान के स्वरुप होवय, ये उद्देश्य ले उद्यान के सौंदर्यीकरण के काम कराए गए हे। एकर बर चौक – चौक म बस्तर आर्ट बेल मेटल पेटर्न के मूर्ति लगाए गए हे, मूर्ति ल अइसे स्थापित करे गए हे जेखर से के ओला तीनो कोति ले देखे जा सकत हे। ये चौक ल 6 मीटर गोलाई म बनाए गए हे।
