स्व सहायता समूह के दीदी आजीविका मूलक गतिविधि मन ले जुड़ के बनिस आत्मनिर्भर

समूह ले 1 लाख 24 हजार ले जादा महिला मन जुड़के काम करत हें
जशपुर, मुख्यमंत्री श्री विष्णु देव साय ह महिला स्व-सहायता समूह ल स्वरोजगार ले जोड़के आत्मनिर्भर बनाए के निर्देश देहे हें। इही कड़ी म जशपुर जिला म राष्ट्रीय ग्रामीण आजीविका मिशन के तहत जम्मो विकास खंड म 11 हजार 559 स्व-सहायता समूह के गठन करे गए हे, जेमा 1 लाख 24 हजार 117 महिला सदस्य जुड़े हें अऊ ये महिला मन कई आजीविका मूलक गतिविधि मन ले जुड़के आत्मनिर्भर बन गे हें। विभाग ले मिले जानकारी के मुताबिक एमां ले स्वयं सहायता समूह ल 703 ग्राम संगठन अउ 32 संकुल संगठन के माध्यम ले संगठित करे गए हे। गठित स्व सहायता समूह सदस्य मन के आय म सरलग बढ़ोतरी बर सार्थक प्रयास घलो करे जात हे।
महिला मन ल कृषि के माध्यम ले उपचार बीज, प्राकृतिक खाद, तरल जीवामृत, घन जीवामृत, ब्रह्मास्त्र, नीमस्त्र, निर्माण अउ निरंतर प्रयोग बर प्रेरित करे जात हे, ए प्रकार कृषि पशुपालन, मत्स्यपालन, किराना दुकान, ईंट निर्माण आदि के माध्यम ले उंखर आय म वृद्धि बर प्रयास करे जात हे।
छत्तीसगढ़ शासन के अलग-अलग योजना मन जेमा मुख्य रूप ले कृषि विभाग, पशुपालन विभाग, मत्स्यपालन विभाग, रेशम विभाग, रोजगार गारंटी योजना आदि म संचालित योजना मन ले जोड़के स्व सहायता समूह के सदस्य मन के आय म वृद्धि करे के प्रयास करे जात हवय। राष्ट्रीय ग्रामीण आजीविका मिशन के तहत सामुदायिक निधि के माध्यम ले समूह के सदस्य मन ल ऋण उपलब्ध कराए जात हवय। संगे बैंक के माध्यम ले स्व सहायता समूह के बैंक लिंकेज अउ मुद्रा ऋण के माध्यम ले आजीविका गतिविधि बर पर्याप्त राशि उपलब्ध कराए जात हवय, जेखर से उंखर आत्मनिर्भरता बढ़त हवय।