मछेर (मधुमक्खी) पालन ले स्व-सहायता समूह के आय म बढ़ोतरी

सरगुजा, मछेर (मधुमक्खी) पालन ह पर्यावरण ला बचाय के संगे-संग कम खरचा म जादा कमाई दे के एक ठन सुग्‍घर माध्यम साबित होवत हे। बगीचा विकासखंड के ग्राम चम्पा म महिला मन ला आत्मनिर्भर बनाय बर एक बड़े पहल करे गए हे। प्रधानमंत्री धन-धान्य कृषि योजना के तहत स्व-सहायता समूह बनाके महिला मन ला मछेर (मधुमक्खी) पालन बर प्रेरित करे गिस अउ प्रशिक्षण घलो देहे गीस।
समूह के महिला मन ला मछेर (मधुमक्खी) पालन बर 5 ठन बक्सा फोकट म देहे गए रहिस। अभी रबी के सीजन म सरसों के फसल के तीर ए बक्सा मन ला रख के वैज्ञानिक तरीका ले पालन करे जात हे, जेकर से बने उत्पादन के भरोसा हे। समूह ह एक महिना म 5 बक्सा ले लगभग 10 किलो शहद (मदरस) निकालिन, जेला स्थानीय बजार म 500 रुपिया प्रति किलो के भाव ले बेच के बने आय अर्जित करिन। एकर ले समूह के महिला मन म उत्साह अउ आत्मविश्वास बाढ़े हे। मछेर मन परागण के माध्यम ले जैव विविधता ला बढ़ावा देथें अउ फसल के पैदावार ला घलो बढ़ा देथें।