समान के मूल्य म एकरूपता अऊ पारदर्शिता लाय के उद्देश्य ले जिला प्रशासन धमतरी कोति ले ’बिहान’ के संग खाद्यान्न, ताजा सब्जी पहुंचाए के व्यवस्था करे गीस
धमतरी, 27 अप्रैल 2020। समान मन के कीमत म एकरूपता अऊ पारदर्शिता लाय के उद्देश्य ले महिला स्व सहायता समूह ’बिहान’ ह जिला म आदिवासी विकास विभाग कोति ले संचालित 58 छात्रावास अउ आश्रम मन म दैनिक उपयोग के समान संग खाद्यान्न अऊ किसान बाजार ले ताजा हरियर साग-भाजी पहुंचाए के व्यवस्था केरे हे। एखर से जिहां छात्रावास/आश्रम अधीक्षक अउ कर्मचारी मन ल संस्था ले दूरिहा जाके सामान खरीदे के जरूरत नइ परत हे अउ परिवहन व्यय के अकतहा बोझ ले मुक्ति मिले हे, उहें निश्चित मूल्य अउ गुणवत्तायुक्त समान मन के मिले के अलावा महिला स्व सहायता समूह मन ल आजीविका उपार्जन के अवसर मिलत हे।
सहायक आयुक्त, आदिवासी विकास विभाग के बताती छात्रावास-आश्रम के समस्या ल ध्यान म रखत जिला प्रशासन धमतरी ह नवा पहल करे हे। एखर बर सबले पहिली छात्रावास/ आश्रम मन के महीना भर के जरूरत के आंकलन करके ’बिहान’ ल उहां समान पहुचाए बर अऊ बेचने बर अधिकृत करे गीस। ये बात मा महिला स्व सहायता समूह मन ह खुशी-खुशी बढ़-चढ़के हिस्सा लेवत हें अऊ जरूरत के मुताबिक चीज मन ल उत्पादित करके संस्था मन म पहुचाए के अलावा किसान बजार के माध्यम ले ताजा अउ हरियर साग-भाजी घलोक सरलग पहुंचात हें।
