बेलमेटल हैण्डीक्राफ्ट प्रशिक्षण कार्यक्रम के छग हस्तशिल्प विकास बोर्ड अध्यक्ष ह करिस शुभारंभ

कोण्डागांव, छत्तीसगढ़ हस्तशिल्प विकास बोर्ड कोति ले शिल्प नगरी परिसर चिखलपुटी म मंगलवार के छत्तीसगढ़ हस्तशिल्प विकास बोर्ड अऊ विधायक नारायणपुर चन्दन कश्यप अऊ जिला पंचायत अध्यक्ष देवचंद मातलाम ह बेलमेटल शिल्प उपर आधारित हैण्डीक्राफ्ट तकनीकी प्रशिक्षण प्रोग्राम के शुभारंभ करिन। विकास आयुक्त हस्तशिल्प वस्त्र मंत्रालय भारत सरकार, नवा दिल्ली कोति ले प्रायोजित ये प्रशिक्षण कार्यक्रम ल 22 जनवरी 2022 तक संचालित करे जाही। एखर तहत् उत्कृष्ट 02 मास्टर क्राफ्ट्समेन मन 20 प्रशिक्षार्थि मन के समूह ल 02 महिना तक प्रशिक्षण देहीं।
ये प्रशिक्षण कार्यक्रम के माध्यम ले हस्तशिल्प बोर्ड के उद्देश्य हे कि अइसन शिल्पकार जेन बेलमेटल शिल्प म परम्परागत जुन्ना डिजाईन उपर ही काम करत हें। ओ मन ल ये कार्यशाला के माध्यम ले बाजार के मांग मुताबिक नवा डिजाईन अऊ तकनीक के ज्ञान दे के ओ मन ल अपन कलाकृति के उचित मूल्य देवाके ओ मन ल आर्थिक रूप ले सशक्त बनाए जा सकय। ये बेरा म मुख्य अतिथि मन कोति ले शिल्पनगरी म वृक्षारोपण घलोक करे गीस। ये कार्यक्रम म सरपंच चिखलपुटी विजय शोरी संग जिला के शिल्पकार उपस्थित रहिन।