बेमेतरा, 12 जुलाई 2023
जिला के नगर पंचायत बेरला म राज्य शासन कती ले अभी तक 761 आवास विभिन्न डी.पी.आर. म स्वीकृत करे गए हे जेन म अभी तक 449 आवास पूरा हो गए हे। नगर पंचायत बेरला म प्रधानमंत्री आवास योजना के 60 फीसदी आवास पूरा बन गए हे। जुलाई महीना के अंत तक 25 आवास निर्माण कार्य घलो पूरा हो जाही। आवास पाके हितग्राही बने खुस हे। नगरीय प्रशासन के सचिव डॉ. अय्याज तंबोली अउ कलेक्टर पी एस एल्मा के मार्गदर्शन म सरलग आवास निर्माण प्रगति के निगरानी करे जाथ हे।
प्रधानमंत्री आवास योजना म वित्तीय वर्ष 2022-23 के मार्च म 231 आवास मार्च म स्वीकृति मिले के बाद सुरू करे गए हे। जेकर से आवास निर्माण म सरलग प्रगति आत हे अउ वर्तमान म 193 आवास फाउंडेशन, लिंटल अउ रूफ लेवल म चलत हे। आवास पूरा होए के बाद मुख्य नगर पालिका अधिकारी कती ले पूर्ण आवास धारक मन ल आवास वृक्षारोपण ब पउधा घलो उपलब्ध कराए जाथ हे।
जेकर से उमन ल यादगार के तौर म रोपित कर के सोशल मीडिया म दिखाय गय हे। प्राप्त जानकारी अनुसार कुल आवास म 449 आवास पूरा कर लिये गए हे जेमा अभी तक बारह करोड़ चार लाख के राशि के भुगतान करे जा चुके हे। भुगतान लंबित नई होए ले शासन के महती योजना के क्रियान्वयन सुचारू रूप से होवत हे।
मुख्य नगर पालिका अधिकारी वनीष दुबे ह बताइस हे कि जुलाई महीना म लगभग 25 आवास पूरा हो जाही एकर संग ही जेमन ह आवास बनाए के सुरू नई करे हे उमन संग चरचा कर के उमन ल प्रेरित करे जाथ हे। नगरीय प्रशासन के सचिव डॉ. अय्याज तंबोली अउ कलेक्टर पी एस एल्मा के मार्गदर्शन म सरलग आवास निर्माण म प्रगति प्रदान करे जाथ हे।
Success story
Neha Rathore
बेमेतरा : प्रधानमंत्री आवास योजना के 449 निर्माण के काम होइस पूरा
