सूखा राहत समेत तीन सूत्रीय मांग मन ल लेके एसडीएम आपिस पहुचिन संघर्षशील किसान समिति
बेमेतरा, संघर्षशील किसान समिति, बेमेतरा के नेतृत्व म किसान मन ह सूखा राहत समेत तीन सूत्रीय मांग मन ल लेके मुख्यमंत्री के नाम एसडीएम ल ज्ञापन संउपिन। किसान मन ह बेरला विकासखंड म अल्प वर्षा ले बने सूखा के स्थिति म राहत कोष अउ आन दू बिंदु मन म अमल करे के बात कहे हें।
किसान नेता मन ह कहिन के सूखा राहत के संग फसल, अनावारी रिपोट म सुधार करे जाए। एक आन मांग के मुताबिक कुछ दिन पहिली तहसील कार्यालय के एक बाबू कोति ले किसान मूलचंद साहू ल कार्यालय के भीतरी थपरा मारे गए रहिस अऊ उल्टा किसान के ऊपर ही आपराधिक मामला दर्ज कर दे गए रहिस। ए सबो बिंदु मन के लउहे निराकरण करे के मांग करे गीस।
ज्ञापन सौंपइया म मोहन वैष्णव, राहुल टिकरिहा साधु साहू, योगेश नायक, खममु वर्मा, माणिक साहू, तुला साहू, मूलचंद साहू, रामकुमार साहू, खेदु सिन्हा, मोहन साहू, ठाकुर राम साहू, देवदत्त साहू, राकेश पाल, भारत साहू, लालू साहू, चतुर साहू, पंकज दास, नरेंद्र चौहान, जगत राम साहू, भगवती साहू, यशवंत बड़ई, फट्टे देवरी, तुलसी साहू, अमरजीत कोसले, हरि यादव, हेमकुमार मण्डावी, रामसागर साहू, गगन परगनिहा, मनहरण वर्मा, भुवन साहू, खेदूराम, रामपल पाल, सिन्हा, सुमित साहू, नागराज कोसले संग भारी संख्या म बेरला क्षेत्र के किसान उपस्थित रहिन।
