बेमेतरा जिला के गांव वाले मन ह उछाल ले सुनिन लोकवाणी

बेमेतरा, मुख्यमंत्री के मासिक रेडियों वार्ता लोकवाणी के पांचवा कड़ी के प्रसारण आकाशवाणी ले करे गीस। जेखर विसय रहिन ‘‘ आदिवासी विकास हमर आस ‘‘ बेमेतरा जिला के ग्रामीण क्षेत्र मन म एला उत्साह पूर्वक सुने गीस। लोकवाणी कार्यक्रम के संग मुख्यमंत्री अपन विचार साझा करत हे। अऊ श्रोता मन ले रू-ब-रू होके ऊंखर सवाल मन के जवाब घलोक देवत हें। आज के कार्यक्रम के समय घलोक मुख्यमंत्री ह श्रोता मन के सवाल के उत्तर दीन। ग्राम पंचायत ढोलिया के सामुदायिक भवन म एखर प्रसारण श्रवण के व्यवस्था करे गए रहिस। ये मां गांव वाले मन ह एला सुनिन। ये बेरा म जिला पंचायत के परियोजना अधिकारी बी.आर.मोरे. सरपंच ग्राम पंचायत ढोलिया लेखू राम साहू, पंचायत अऊ समाज शिक्षा संगठक यू.डी.चेलक प्रोजक्ट अधिकारी मनरेगा अरविंद कश्यप, तकनिकी सहायक कुमारी वेणु वर्मा, पंचायत सचिव श्रीमती सुमन सिन्हा, अऊ ग्रामीणजन उपस्थित रहिन।