बेमेतरा 03 फरवरी 2021। जिला म खरीफ विपणन साल 2020-21 म समर्थन मूल्य म 05 लाख 87 हजार 608 मिट्रिक टन धान के रिकार्ड खरीदी करे गीस। उहें पऊर साल के तुलना म 11 हजार 965 जादा किसान मन ह धान बेचे हें। कलेक्टर श्री शिव अनंत तायल के मार्गदर्शन म जिला म समर्थन मूल्य म धान खरीदी के समुचित इंतजाम करे गए रहिस। हर एक केन्द्र मन म नोडल अधिकारी के नियुक्ति करे गए रहिस। जेकर रोजेच मानीटरिंग करे जात रहिस। खाद्य अधिकारी ह बताइस कि जिला म ये खरीफ सीजन म पंजीकृत 130180 किसान मन ले 587608 मिट्रिक टन धान के रिकार्ड उपार्जन करे गीस। जबकि पाछू बछर समर्थन मूल्य म 111069 किसान मन ले 526315 मिट्रिक टन धान के उपार्जन करे गए रहिस। ये प्रकार पउरु साल के तुलना म 61293 मिट्रिक टन जादा धान के खरीदी करे गीस। कृषि प्रधान छत्तीसगढ़ राज्य म समृद्ध होवत खेती-किसानी बर ये एक सुखद भविष्य के संकेत हे। राज्य सरकार के किसान हितैषी नीति मन के चलते धान के खेती के पंजीयन के रकबा अऊ पंजीकृत किसान मन के संख्या म बढ़ोतरी होए हे। राज्य म खेती-किसानी ल एक सम्बल मिले हे एकर से खेती छोड़ डरे मनखे मन फेर खेती कोति आकर्षित होवत हें।
खाद्य अधिकारी ह बताइस कि जिला म किसान मन ल अब तक 1015 करोड़ 11 लाख रूपिया के भुगतान करे जा चुके हे। उमन बताइन कि खरीफ विपणन साल 2020-21 म समर्थन मूल्य म धान उपार्जन बर जिला म 128799 हेक्टेयर के धान के रकबा के पंजीयन करे गए रहिस। जिला सहकारी केन्द्रीय बैंक मर्यादित के नोडल अधिकारी श्री आर के वारे ह बताइस कि जिला के 18 बैंक शाखा मन म किसान मन के खाता म आनलाइन भुगतान के व्यवस्था करे गए हे। किसान अपन सुविधानुसार राशि के आहरण करथें।
जिला सहकारी बैंक के जिला म 18 शाखा-
बेमेतरा जिला म जिला सहकारी केन्द्रीय बैंक के 18 शाखाएं संचालित हे जेखर जरिए किसान मन ल धान उपार्जन के राशि ऊंखर बैंक खाता म अंतरित कर देहे गए हे। ए शाखा मन म बेमेतरा, जेवरा, बालसमुंद, दाढ़ी, साजा, देवकर, बेरला, देवरबीजा, परपोड़ी, नवागढ़, नांदघाट, संबलपुर, मारो, ठेलका, थानखम्हरिया, भिंभौरी, खण्डसरा अऊ केंहका (चेचानमेटा) सामिल हे।
एक लाख, 26 हजार 501 किसान मन ले किसान मन ले 5 लाख, 87 हजार 608 मिट्रिक टन धान के उपार्जन, जिला मे ये पईत 97 प्रतिशत किसान मन ह धान उपार्जन करिन
