कॉपी, रजिस्टर, डायरी, फ़ाईल, पम्पलेट बनात हे युवा
स्थानीय बजार के संग-संग सरकारी कार्यालय मन म घलो हे बने मांग
रायपुर, 13 जुलाई 2023
प्रदेश सरकार महात्मा गांधी ग्रामीण औद्योगिक पार्क (रीपा) के माध्यम ले राज्य के महिला, युवा मन ल रोजगार के संग उद्यमी मन ल अवसर देहे के काम करत हे। शासन के ए प्रयास ले लोगन मन आर्थिक रूप से सशक्त होवत हे। रीपा म स्थानीय संसाधन के उपलब्धता के अनुरूप व्यवसाय ल बढ़ावा दिए जाथ हे। आजीविका मूलक गतिविधि ले पर्याप्त रोजगार घलो सृजित होवत हे। ग्रामीण क्षेत्र म स पहल के सफल संचालन ले एकर विस्तार शहरी क्षेत्र म घलो करे गय हे।
स्टेशनरी सामग्री बनाने के बुता करत हे युवा
बेमेतरा जिला के सांकरा गांव के युवा रीपा म स्टेशनरी सामग्री बनाए के काम बुता करत हे। रीपा म स्टेशनरी-प्रिंट यूनिट स्थापित करे गय हे। जेमा युवा विकास समिति ग्राम सांकरा के 10 युवा कार्यरत हे। समिति के सचिव देवमति साहू ह बताइस कि पड़ोसी जिला दुर्ग ले कच्चा माल लान के उमन विभिन्न स्टेशनरी उत्पाद जईसे कॉपी, रजिस्टर, डायरी, फ़ाईल, पम्पलेट बनात हे। रीपा म तियार उत्पाद ल सरकारी अउ ग़ैर सरकारी कार्यालय, स्कूल, शाला-आश्रम म मांग अनुसार उपलब्ध कराए जाथ हे। ओ ह बताइस कि हाल ही म जनपद पंचायत बेरला ले उमन ल माप पुस्तिका, फाईल कव्हर, फाईल पेड, रजिस्टर के पांच हजार नग के ऑर्डर मिले हे। उहें शिक्षा विभाग, बेरला ले घलो 250 नग रजिस्टर फाईल कव्हर, फाईल पेड समेत अउ दूसर सामग्री के लगभग 500 नग ऑर्डर मिले हे। समिति के अध्यक्ष श्री राकेश चतुर्वेदी ह बताइस कि ए यूनिट हाल ही म स्थापित करे गए हे। तेकर ब उमन एकर मार्केटिंग घलो करत हे, जेकर से लोगन मन ल एकर जानकारी मिलय अउ उमन ल जादा आर्डर मिल सकय। उमन के प्रयास ले स्थानीय बजार अउ कार्यालय ले बढ़िया प्रतिसाद मिले हे अउ उत्पाद के गुणवत्ता ल लेके घो सराहना होइस हे। राज्य सरकार कती ग्रामीण क्षेत्र म रोजगार के अवसर अउ सामाजिक उत्थान ब सरलग प्रयास करे जाथ हे। समिति के सदस्य के कहना हे कि रीपा के माध्यम ले ग्रामीण अर्थव्यवस्था ल घलो गति मिलिस हे। ग्रामीण युवक-युवती मन ल नवा कौशल सीखे के अवसर मिलत हे अउ उमन के आत्म विश्वास घलो बाढ़ीस हे। दूसर युवा मन ब ए ह प्रेरणादायी तको साबित होवत हे। सदस्य मन ह ए पहल ब राज्य सरकार के आभार व्यक्त करिस हे।
Neha Rathore
Success story