- अव्यवस्था मिले म बेमेतरा पुलिस अधीक्षक समेत 4 अधिकारी मन ल कारण बताओ नोटिस
रायपुर, पुलिस महानिदेशक श्री डी.एम. अवस्थी ह आज बेमेतरा जिला के बेरला थाना के उदुपहा जांच करिन। जांच के समय थाना म अव्यवस्था मिले म श्री अवस्थी ह अप्रसन्नता व्यक्त करिन। अव्यवस्था मिले म उमन बेमेतरा पुलिस अधीक्षक श्री प्रशांत ठाकुर, अकतहा पुलिस अधीक्षक श्री बिमल बैस, एसडीओपी सुश्री ममता देवांगन, थाना प्रभारी श्री विपिन रंगारी ल तुरंते कारण बताओ नोटिस जारी करके जवाब मांगे हें।
पुलिस महानिदेशक श्री डी.एम. अवस्थी आज भिनसरहा बेरला थाना के आकस्मिक निरीक्षण म पहुंचिन। उहॉं उमन पाइस कि कागद मन के रखरखाव ठीक ढंग ले नइ हे अउ कैशबुक म लंबा समय ले राशि अवितरित पड़े हे। उमन निरीक्षण के समय व्ही.सी.एन.बी. (Village Crime ote Book) के घलोक निरीक्षण करिन जेमां प्रविष्टि ठीक ढंग ले नइ पाए गीस। बेरला थाना म साफ-सफाई के स्तर घलोक काफी नीचे पाए गीस। श्री अवस्थी कोति ले थाना के काम के करीबन डेढ़ घंटे तक बारीकी ले निरीक्षण करे गीस। ये दौरान उमन बंदीगृह, मालखाना, महिला प्रकोष्ठ अउ थाना प्रभारी कक्ष ल घलोक देखिन।
हम आप ल बता देवन के एखर पहिली घलोक पुलिस महानिदेशक श्री डी.एम. अवस्थी कोति ले धमतरी जिला के भखारा थाना के आकस्मिक निरीक्षण करे गए रहिन, जहॉं अव्यवस्था मिले म दोषी मन उपर अनुशासनात्मक कार्यवाही करे गए रहिस। राज्य भर के थाना मन के बेहतर रखरखाव अउ कार्यप्रणाली सुधारे बर पुलिस महानिदेशक कोति ले सबो 27 जिला मन के थाना मन के औचक निरीक्षण करे जाही। ये आकस्मिक निरीक्षण म पुलिस अधीक्षक, एसटीएफ श्री डी. श्रवण अउर सेनानी श्री विजय अग्रवाल घलोक उपस्थित रहिन।
