बेरोजगारी भत्ता योजना ले सपना ल पूरा करे म मिलही सहैता
प्रणय ह प्रदेश के बेरोजगार युवा मन कोती ले करत हे मुख्यमंत्री श्री बघेल के धन्यवाद
धमतरी, नेहा राठौर के खबर/ मुख्यमंत्री श्री भूपेश बघेल ह बेरोजगारी भत्ता योजना की सुरआत करे हे जेकर ले गरीब कमजोर घर के लइका मन ल पढ़ई म सहइता मिलय। ए योजना म प्रदेश के जम्मो पात्र बेरोजगार युवा मन ल 2 हजार 500 रूपिया हर महीना ओकर खाता म डारे जाही,जेकर ले युवा मन ल आर्थिक सहयता मिलही।
धमतरी जिला के गांव पुरी म रहोइया बेरोजगार युवक प्रणय साहू ह बतइस के ओ ह एक मध्यमवर्गीय किसान परिवार के बेटा हरे जिंहा ल घर घर खरचा के पुरता पइसा के आवक।जेकर सेती ओ ह पढ़ई लिखई ब अपन पापा करा पईसा मांगे ब हिचकिचावय लेकिन अब ए सब के जिम्मेदारी हमार प्रदेश के मुख्यमंत्री श्री भूपेश बघेल ह ले लिये हावय। ओ ह प्रदेश के बेरोजगार युवा के पढ़ई अउ भविष्य ल बढ़िया बनाए ब बेरोजगार भत्ता योजना के सुरआत करे हावय। प्रणय ह कहिस के बेरोजगारी भत्ता योजना ले मिले वाले पईसा के सदुपयोग ओ ह प्रतियोगी परीक्षा के पुस्तक, फीस अउ कोचिंग उआ म लगाही।
मुख्यमंत्री श्री भूपेश बघेल ह राज्य के बेरोजगार मन ल 25 सौ रूपिया बेरोजगारी भत्ता दिए के घोषणा करे हावय। अभी तक ले धमतरी जिला के कुरूद, मगरलोड , नगरी अउ जम्मो नगर पंचायत क्षेत्र ले 5 हजार 334 ऑनलाईन आवेदन मिले हावय। अउ अभी तक 3 हजार 961आवेदन ह छांटे गए हे, जेन म के 2 हजार 849 आवेदन ह स्वीकृत घलो कर लिये गए हे।