बेमेतरा जिला के सर्वश्रेष्ठ अऊ आदर्श गौठान सह मल्टी क्वालिटी सेंटर सांकरा म बनत हे

बेमेतरा, बेमेतरा जिला के बेरला विकासखण्ड के अन्तर्गत ग्राम पंचायत सांकरा म बिहान योजना के तहत कुल बारा समूह कार्यरत हे। ए समूह मन म ले गौठान म जुडे समूह मुख्य रूप ले महिला विकास स्व-सहायता समूह संघर्ष महिला स्व-सहायता समूह, जय मां बंजारी स्व-सहायता समूह, जय मां बम्लेश्वरी स्व-सहायता समूह, अऊ समृद्धि स्व-सहायता समूह हे। महिला विकास स्व-सहायता समूह गोबर ले वर्मी कम्पोस्ट बनाए के काम करत हे। ये गौठान म ही अपन काम संपादित करत हें। ये काम के अलावा ये समुह फिनाईल के घलोक निर्माण करत हें। संघर्ष महिला स्व-सहायता समुह फेब्रिक वर्क के काम पूरा क्षमता के संग करत हें, जय मां बंजारी स्व-सहायता समुह गौठान के चारागाह म बाडी के विकास के काम करत हे, अऊ मां बमलेश्वरी स्व-सहायता समूह भेड पालन के काम करत हे। गौठान ले जुडे समृद्धि स्व-सहयता समुह हैण्डीक्राफट के काम करत हे। ये सब्बो समूह परोक्ष रूप ले गौठान ले जुडे हें अऊ मल्टी-एक्टिविटी सेण्टर के रूप म विकसित होए म अपन पूरा योगदान देवत हे। सांकरा गौठान म 1873 क्विंटल के करीबन गोबर क्रय करे गए हे। ये मां 560.10 क्विंटल वर्मी खाद के उत्पादन होइस, जेमां ले 455.50 क्विंटल वर्मी खाद बेचे गीस। अभी हाल म 104 क्विंटल के करीबन वर्मी खाद बांचे हे। ये गौठान ले जुडे ये समूह अपन पांव म खडे होए के दिशा म आगू बढ़त हे। इंखर चेहरा मन म सफलता के आभा देखे जा सकत हे। ये मन उत्साहित होकर कहिथें कि ओ मन भविष्य म अऊ समूह मन ल जोडके मुर्गी पालन, अगरबती निर्माण, मशरूम उत्पादान अऊ पत्तल निर्माण जइसे गतिविधि मन ल जोडके ये गौठान ल एक अनुसेतीय आदर्श गौठान बनाए के दिशा म आगू बढ़त हें।
ग्राम पंचायत सांकरा जनपद पंचायत बेरला ले करीबन 07 कि.मी. दूरिहा रायपुर रोड म स्थित हे। इहां गोधन न्याय योजना के अंतर्गत बने गौठान मुख्य मार्ग ले ही लगे हे। ये गौठान म एक आदर्श गौठान बर जरूरी सबो विशेषता विद्यमान हे। इहां के करीबन 235 पशु पालक मन के 12929 पशु हे। ये गौठान मे 48 वर्मी टांका म ले 4 भरे हे। ये गौठान म करीबन डेढ़ एकड़ रकबा म नेपियर घास, एक एकड रकबा म पैराग्रास अऊ 2 एकड म मक्का बीज लगाए गए हे, जेमां गौठान म चारो कोति हरियाली नजर आथे। ये गौठान म खुबसूरत बनाए बर दू एकड म 700 कई ठन पोंधा मन के वृक्षारोपण करे गए हे। मुख्य मार्ग ले गुजरत ये गौठान के हरियाली मन ल मोह लेथे। एला एक आदर्श गौठान के रूप म विकसित करे गए हे। कलेक्टर श्री विलास भोसकर संदीपनी ह एला गोद लेहे हे, जेखर से एखर पूरा विकास के मार्ग प्रशस्त हो गए हे। एखर पूरा विकास बर एक कार्ययोजना तियार करे गए हे। ये कार्ययोजना के पूरा होए के बाद ये गौठान पूरा बेमेतरा जिला के सर्वश्रेष्ठ अऊ आदर्श गौठान सह मल्टी क्वालिटी सेंटर बन जाही।