ठउका करव के आखरी मनखे तक पहुंचय दवई: मुख्यमंत्री श्री विष्णुदेव साय

रायपुर, मुख्यमंत्री श्री विष्णुदेव साय ह स्वास्थ्य विभाग के सबो प्रमुख अधिकारी मन ल निर्देश देवत कहे हें के दवइ के पहुंच आखरी मनखे तक सुनिश्चित होना चाही। उमन कहिन के राज्य म आयुष के जरिए  उपचार के बेहतर संभावना मौजूद हे, एला अऊ बढ़ाए के जरूरत हे। उमन कहिन के आम जनता के हित म स्वास्थ्य सुविधा मन के विस्तार होत रहना चाही। उमन कहिन के अस्पताल मन म मरीज मन बर बेहतर सुविधा सुनिश्चित होवय अऊ ओ मन ल अपन घर के आस पास ही अच्छा इलाज मिलय। मुख्यमंत्री श्री विष्णुदेव साय आज मंत्रालय म स्वास्थ्य विभाग के कई ठन योजना मन  के समीक्षा करत रहिन। मुख्यमंत्री श्री विष्णुदेव साय ह स्वास्थ्य विभाग के अधिकारी मन ल निर्देश दीन के एनीमिया, मैटरनल प्रोग्राम अऊ लेप्रोसी जइसे बीमारी मन म प्राथमिकता से काम करे जाए। 
बैठक म स्वास्थ्य मंत्री श्री श्याम बिहारी जायसवाल ह मुख्यमंत्री ल जानकारी देत बताइन के छत्तीसगढ़ राष्ट्रीय  गुणवत्ता आश्वासन मानक (एनक्यूएएस) कार्यक्रम म देश म 5वां स्थान म हे। उमन कहिन के अवइया समे म राज्य म स्वास्थ्य सुविधा मन के अऊ बेहतर विस्तार होत रहिही। श्री जायसवाल ह राज्य सरकार के गठन के बाद स्वास्थ्य के क्षेत्र म उपलब्धि मन के जानकारी देवत भविष्य के योजना मन ल घलोक मुख्यमंत्री के आगू रखिन। 
स्वास्थ्य विभाग के समीक्षा बैठक म मुख्य सचिव श्री अमिताभ जैन, मुख्यमंत्री के प्रमुख सचिव श्री सुबोध कुमार सिंह, स्वास्थ्य विभाग के सचिव श्री अमित कटारिया, मुख्यमंत्री के सचिव श्री राहुल भगत अउर श्री मुकेश बंसल, आयुक्त चिकित्सा शिक्षा अउर आयुक्त आयुष विभाग श्रीमती शिखा राजपूत तिवारी, प्रबंध संचालक एनएचएम अउ आयुक्त सह संचालक डॉ प्रियंका शुक्ला, खाद्य अउर औषधि विभाग के नियंत्रक श्री दीपक अग्रवाल समेत स्वास्थ्य विभाग के वरिष्ठ अधिकारी उपस्थित रहिन।