5 अपरेल के बाद पहली पइत पॉजिटिविटी दर 20 प्रतिशत ले आइस खाल्हे
रायपुर. 10 मई 2021. प्रदेश के पॉजिटिविटी दर पाछू छह दिन ले सरलग घटत हे। बीते 9 मई के प्रदेश म पॉजिटिविटी दर 19% रहीस हे। 9 मई के प्रदेश भर म होए 48 हजार 732 सैंपल मन के जांच म ले 9120 मनखे कोरोना संक्रमित पाए गए हें। प्रदेश म 5 अपरेल के बाद पहली पइत पॉजिटिविटी दर 20 प्रतिशत ले खाल्हे पहुंचे हे। 5 अपरेल के ये दर 18 प्रतिशत रहिस।
प्रदेश के पॉजिटिविटी दर म पाछू 6 दिन ले सरलग गिरावट देखे गए हे। 4 मई के ये दर 28 प्रतिशत, 5 मई के 25 प्रतिशत, 6 मई के 23 प्रतिशत, 7 मई के 22 प्रतिशत, 8 मई के 20 प्रतिशत अऊ 9 मई के 19 प्रतिशत रहिस हे।
पाछू एक हफ्ता म रायपुर जिला के पॉजिटिविटी दर म घलोक बनेच गिरावट देखे गए हे। 2 मई के रायपुर जिला के पॉजिटिव दर 31 प्रतिशत रहिस जऊन घटत-घटत अब 15% म आ गए हे। पाछु एक हफ्ता म रायपुर म 3 मई अऊ 4 मई के 25-25 प्रतिशत, 5 मई के 21 प्रतिशत, 6 मई के 18 प्रतिशत, 7 मई अऊ 8 मई के 16-16 प्रतिशत अऊ 9 मई के 15 प्रतिशत रहे हे।
प्रदेश ले भागत हे करोना: पॉजिटिविटी दर पहुंचिस 19%
