रायपुर, मुख्यमंत्री श्री भूपेश बघेल ले आज मुख्यमंत्री निवास म भगवान महावीर जन्म कल्याणक महोत्सव समिति के अध्यक्ष श्री महेन्द्र कोचर के प्रतिनिधि मंडल ह मुलाकात करिन। ये बेरा म मुख्यमंत्री ह भगवान महावीर जन्म कल्याणक महोत्सव 2022 के अंतर्गत गूंगा बहरा दिव्यांग मन के निःशुल्क परीक्षण श्रवण यंत्र वितरण कार्यक्रम के पोस्टर के विमोचन करिन। श्री कोचर ह बताइस कि समिति कोति ले 500 दिव्यांग मन ल श्रवण यंत्र के वितरण करे जाही। उमन बताइस कि कोरोना ले स्वस्थ हो गए कुछ मरीज मन म डायबटिज अऊ ब्लड प्रेशर के समस्या आत हे, अइसन मरीज मन ल ग्लूकोमीटर अऊ ब्लडप्रेशर नापे के डिजीटल मशीन घलोक निःशुल्क प्रदाय करे जाही। ये बेरा म समिति के आन सदस्य उपस्थित रहिन।
मुख्यमंत्री ह भगवान महावीर जन्म कल्याणक महोत्सव समिति के श्रवण यंत्र कार्यक्रम के पोस्टर के विमोचन करिन
