श्रवण बाधित श्री भागेश्वर गजेन्द्र ऑटो पार्ट्स अउ रिपेयरिंग के दुकान खोल के बनिस आत्मनिर्भर अउ सफल उद्यमी

महासमुंद 01 सितंबर 2023
राज्य शासन कती ले समाज कल्याण विभाग के अंतर्गत निःशक्तजन वित्त विकास निगम द्वारा दिव्यांगजन स्वरोजगार ऋण योजना संचालित हावय। ए योजना जिला के दिव्यांगजन मन ब मील के पत्थर साबित होवत हे। जेमा जिला के विभिन्न दिव्यांगजन मन ल ऋण उपलब्ध करा के उमन ल स्वरोजगार अउ मुख्य धारा में जोडे़ के काम समाज कल्याण विभाग कती ले करे जाथ हे।
पिथौरा विकासखण्ड के ग्राम लाखागढ़ निवासी श्रवणबाधित श्री भागेश्वर गजेन्द्र के पिता नई हे। घर में बड़े होए के नाते उकर दू झ बहन, एक भाई के जिम्मेदारी ओकर उपर रहिस। जेकर सेती ओला अबड़ आर्थिक समस्या के सामना करे ल पड़य। अउ वो ह आघू के पढ़ई नई कर पाइस । एक दिन उकर मन में विचार आइस कि वे स्वरोजगार स्थापित कर के आत्मनिर्भर बनय। तब ओला पता चलिस कि समाज कल्याण विभाग के माध्यम ले दिव्यांगजन मन ब निःशक्तजन वित्त विकास निगम द्वारा स्वरोजगार ब निःशक्तजन मन ल ऋण उपलब्ध कराय जाथे। तब वो ह समाज कल्याण विभाग पहुंच के योजना के बारे में जानकारी लिस। विभाग ह उकर ब ऑटो पार्ट्स इकाई स्थापना ब दू लाख 69 हजार 820 रुपिया के ऋण 06 प्रतिशत् सालाना ब्याज के दर से स्वीकृत करे गइस। एकर उपरांत ओ ह स्वीकृत ऋण ले पिथौरा में ऑटो पार्ट्स के दुकान डारिस। अब वो ह पूर्णतः आर्थिक रूप ले सक्षम हो के समाज के मुख्य धारा ले जुड़ के सम्मान पूर्वक जीवन यापन करत हे।