रइपुर, 01 जुलाई 2022
मुख्यमंत्री दाऊ भूपेश बघेल कहिस कि कोविड संक्रमण के दौर म जेन किसम ले छत्तीसगढ़ ह लड़ई लड़ीस हे अइसन शायदे देश के कोनो अउ राज्य म काम होए होही। मुख्यमंत्री ह कोविड संक्रमण ले लोगन के जान बचाए खातिर जूझत डॉक्टर मन नमन करीन जेन मन खुदे अपन जान गवां दीन। मुख्यमंत्री दाऊ भूपेश बघेल आज अपन घरू कार्यालय म इंडियन मेडिकल एसोसिएशन कोति ले होवइया डॉक्टर्स डे सम्मान समारोह म उपस्थित डॉक्टर्स अउ सामाजिक संस्था के प्रतिनिधि मन ल सम्बोधित करत रिहिसे। मुख्यमंत्री ह डॉक्टर्स डे के मउका म डॉ बिधान चंद्र राय के चित्र म माला चढ़ावत चिकित्सा के क्षेत्र म ओकर उल्लेखनीय योगदान के तको जिकर
मुख्यमंत्री ह डॉक्टर्स के बारे म कहीन कि उनला भगवान के दर्जा देहे जाथे अउ डॉक्टर्स बने मनखे के सेवा आने कोनो नइ करे सकय। दाऊ बघेल कहीन कि डाक्टर कहूं मरीज के आगू म मुस्कुरा भर देथे ततके म मरीज के आधा बीमारी अइसने ठीक हो जथे।
ये मउका म मुख्यमंत्री दाऊ भूपेश बघेल ह कोविड संक्रमण के बेरा छत्तीसगढ़ के अबड़ अकन हिस्सा म बने बूता करइया 24 झिन चिकित्सक मन ल सम्मानित करीन अउ कोविड संक्रमण के पइत लोगन के सेवा करे खातिर 9 ठिन सामाजिक संस्थान मन ल तको सम्मानित करीन। ये मउका म आईएमए कोति ले डॉ ए आर भल्ला, डॉ ललित शाह, डॉ विनय माखीजा ल चिकित्सा के क्षेत्र म उंकर उल्लेखनीय योगदान खातिर लाइफ टाइम एचीवमेंट अवार्ड देहे गीस।
