- चरौदा मैदान म आयोजित विजयादशमी कार्यक्रम म
सामिल होइन मुख्यमंत्री श्री भूपेश बघेल - दीन असत्य ऊपर सत्य के विजय पर्व के बधाई
रायपुर, मुख्यमंत्री श्री भूपेश बघेल ह चरौदा के दशहरा मैदान म नागरिक मन ल विजयादशमी के बधाई दीन। उमन कहिन कि रामकथा छत्तीसगढ़ के नागरिक के रोम-रोम म बसे हे। ये भगवान श्रीराम के ननिहाल घलोक ये। गांव-गांव म रोज मानस पाठ होवत हे। मुख्यमंत्री ह कहिन कि ये पर्व हमला संकल्पित करथे कि हम सरलग शुभ काम करन। ये पर्व असत्य ऊपर सत्य के जीत के पर्व ये। श्रीराम के जीवन ले प्रेरणा लेहे के पर्व ये। उमन उपस्थित जनसमूह ल विजयादशमी पर्व के बधाई देवत कहिन कि आज शुभ संकल्प लेहे के दिन ये। हम सब अपन प्रदेश के तरक्की बर सरलग काम करबोन। जीवन म शुभ तत्व ल अपनाबो ताकि भगवान हमला सदा कल्याण के रद्दा म रेंगावत रहय।