रायपुरए 8 सितंबर 2023
भरोसा के सम्मेलन ग्राम ठेकवा राजनांदगांव
आज भरोसा के सम्मेलन म आप सबो के बीच हम सऊँहत आए हवन। इहां खूब बारिश होवत हावय। अन्नदाता बहुत खुश हावय। अभीन तक 4 ठिन भरोसा का सम्मेलन होगे हावय। आज हमार बीच खड़गे जी फेर आये हवयं। येह मुक्तिबोध के धरती हरे। हमार लोककलाकार मन के धरती हरे।
. राजनांदगांव संस्कारधानी हरे। इहाँ ले निकले बड़का कलाकार मन ल मैं नमन करत हौं।
. सबो के राशन कार्ड बनत हावय। काकरो राशन कार्ड कट नइ हे। नेवरिया बहू आ गे, परिवार अलग हो गय तभो राशन कार्ड बनत हावय। आदिवासी क्षेत्र म गुड़ बंटत हावय। कोनो गरीब ल अनाज के बिना तकलीफ नइ होवत हावय। हम किसान मन ले 20 क्विंटल प्रति एकड़ धान तको बिसाबोन।
. कोरोना महामारी के बावजूद हमन किसान मन ले धान के खरीदी जारी रखेन। हमन हमेशा किसान, मजदूर के हित म काम करत हावन। हम दू रुपिया म गोबर खरीदत हावन। आज गौपालक होवय, किसान होवय, बेरोजगार साथी होवय, हम सबो ल पैसा देवत हावन। हम हरेक पंद्रह दिन म डीबीटी के माध्यम ले पैसा देवत हावन। हर तीन महीना म किसान मन के खाता म पइसा डारत हावन। तेंदूपत्ता संग्राहक मन ल पइसा भेजत हावन। बेरोजगार मन हर महीना पइसा देवत हावन।
. हम आम जनता ल ताकतवर बनाए के बूता करत हावन। हमन फैसला करे हावन कि सात लाख लोगन ल पक्की छत देना हे। हमन अभी जेन सामाजिक आर्थिक सर्वे कराय हावन वोमा के 47 हजार लोगन अइसे मिले हे जेन मन ल मकान चाही, उन ल हम मकान दिंगे।
. हमन शिक्षा के क्षेत्र म तको बढ़िया काम करे हावन। 30 हजार शिक्षक मन के भर्ती करे हावन। पुरानी पेंशन स्कीम लांच करे हावन। कोटवार, मितानिन अउ आंगनबाड़ी कार्यकर्ता मन के मानदेय बढ़ाय हवन।
. हम अपन तिहार मन म अवकाश देवत हावन। बहुत सुंदर छत्तीसगढ़िया ओलंपिक के आयोजन करत हावन। राजीव युवा मितान क्लब के सदस्य इन्कर आयोजन म सक्रिय भागीदारी निभावत हावय।
. छत्तीसगढ़ ल सांस्कृतिक अउ आर्थिक रूप ले समृद्ध करे के काम हमन करिंगे।
