राजनांदगांव, मुख्यमंत्री श्री भूपेश बघेल ह आज मंझनिया किसान ईश्वरलाल रामा के घर म भोजन करिन। भेंट-मुलाकात के कड़ी म आज ग्राम चिल्हाटी पहुंचे मुख्यमंत्री श्री भूपेश बघेल ह मंझनिया के भोजन किसान ईश्वरलाल रामा के घर म करिन। घर पहुंचे म ईश्वरलाल अऊ वोखर परिवार ह मुख्यमंत्री के स्वागत पारंपरिक तरीका के संग करिन। मुख्यमंत्री ल कांसा के थाली म पारंपरिक छत्तीसगढ़ी भोजन परोसे गीस। जेमा लाखड़ी भाजी, अमाड़ी के चटनी, कुम्हड़ा के भजिया, जिमी कांदा, गोभी भाजी, कोचई पत्ता के बखोरी अऊ पपीता के बड़ा ल मुख्यमंत्री ह बड़ सादगी के संग खाईन। उमन ईश्वर लाल के परिवार ल मया के संग जेवन कराए बर धन्यवाद दीन।
मुख्यमंत्री श्री भूपेश बघेल ह किसान ईश्वर लाल के घर म करिन जेवन
