15 करोड़ रुपिया के लागत ले बने वाले फैक्ट्री म एक हज़ार महिला मन ल मिलही रोजगार
कटिंग, सिलाई, पैकेजिंग ब होही अलग-अलग बिभाग
रायपुर, नेहा राठौर के खबर/रायपुर ग्रामीण विधानसभा क्षेत्र म आयोजित भेंट-मुलाकात कार्यक्रम म मुख्यमंत्री श्री भूपेश बघेल ह काली मोवा इस्थित पाम-बेलाजियो अपार्टमेंट के आघू 1000 सीटर गारमेंट फैक्ट्री के भूमिपूजन करिस। शहरी आजीविका आवर्धन ब महिला गारमेंट फैक्ट्री म कोनो भी महिला जेन ल सिलई के थोरकन घलो गियान हे, ओमन इंहा ल बुता कर सकत हे। इहां ल सिलई के काम सिखे क सउकिन महिला मन ह प्रसिक्छन होए के गए हे बुता साल सकत हे,इकर कुल लागत ह 15 करोड़ रुपिया असन होही।
शहरी आजीविका आवर्धन ब रईपुर नगर निगम कोती ले महिला गारमेंट फैक्ट्री इस्थापना के काम ह रईपुर ग्रामीण विधानसभा क्षेत्र म करे जाथ हे। ए गारमेंट फैक्ट्री म 1000 सिलई मशीन लगा के अपन मेहनत अउ शासन के सहयोग ले कपड़ा के एक अइसे ब्रांड तियार करही, जेकर ले महिला मन ल रोजगार के संग आघू बाढ़े के मउका मिलही।
ए काम ब देश के बड़का रेडीमेड कंपनि के संग रईपुर नगर निगम ह टाई-अप करही। ए जेन बड़का कंपनि रहि ओमन ह फैक्ट्री ल कच्चा माल (रॉ मटेरियल) देही अउ तियार होए वाले कपड़ा मन ल बिसाही। बडका रूप म तियार होए वाले कपडा ब ए फैक्ट्री म कटिंग, सिलई, पैकेजिंग उआ ब आने आने बीभाग रहि। रायपुर नगर निगम ह ए फैक्ट्री ल पी.पी.पी. मॉडल म संचालित करे के निर्णय लिए हवय।