भेंट-मुलाकात के समय राजीव गांधी किसान न्याय योजना के एको शिकायत नइ मिलीस : श्री भूपेश बघेल

रायपुर, मुख्यमंत्री श्री भूपेश बघेल ह आज भेंट-मुलाकात अभियान के छठवा दिन सूरजपुर म जिला स्तरीय अधिकारी मन के संग योजना मन के क्रियान्वयन के स्थिति के समीक्षा करिन। मुख्यमंत्री ह बैठक म कहिन कि राजस्व अमला ल निचले स्तर म काम करे के जरूरत हे, राजस्व रिकार्ड के दुरुस्ती अऊ नामांतरण, बंटवारा, सीमांकन उचित ढंग ले समय सीमा म पूरा होही। वन अधिकार के पट्टा वितरण म ये ध्यान रखव कि हितग्राही मनें ल सही कब्जा म पट्टा मिलय। ये घलोक सावधानी रखव कि सही हितग्राही ल ही वन अधिकार पट्टा वितरित करे जाए। ये बेरा म विधायक अउ सरगुजा विकास प्राधिकरण के अध्यक्ष श्री खेलसाय सिंह, संसदीय सचिव श्री पारसनाथ राजवाड़े अऊ मुख्यमंत्री के सचिव डॉ. एस. भारतीदासन घलोक उपस्थित रहिन। मुख्यमंत्री ह भेंट-मुलाकात अभियान के समय 6 दिन म सरगुजा संभाग के 5 विधानसभा क्षेत्र मन सामरी, रामानुजगंज, प्रतापपुर, भटगांव अऊ प्रेमनगर म 20 स्थान मन के दौरा करे हें।