भेंट-मुलाकात : बोरियाखुर्द, रायपुर ग्रामीण विधानसभा
जन सुविधा अउ निर्मान ले संबंधित कई ठ काम के करिस लोकार्पण, भूमिपूजन अउ शिलान्यास
रायपुर, नेहा राठौर के खबर/ मुख्यमंत्री श्री भूपेश बघेल ह आज रईपुर ग्रामीण विधानसभा क्षेत्र के बोरियाखुर्द म भेंट-मुलाकात कार्यक्रम म क्षेत्रवासी मन ल 167 करोड़ रूपिया के विकास काम के सउगात दिस हे। एमा 36 करोड़ रुपिया ले जादा के कई ठ बिकास बुता के लोकार्पण अउ 126 करोड़ रुपिया ले जादा के बुता के भूमिपूजन होइस हवय।
मुख्यमंत्री श्री भूपेश बघेल ह नगर पालिक निगम रईपुर म 09 ठ बुता म 38 करोड़ 02 लाख 79 हजार रुपिया, नगर पालिक निगम बीरगांव म 16 ठ काम ब 05 करोड़ 78 लाख 76 हजार रुपिया अउ लोक निर्माण विभाग के 12 अलग अलग बिकास के काम ब 38 करोड़ 56 हजार , नगर पंचायत माना के बिकास काम ब 44 करोड़ 37 लाख रुपिया,स्वास्थ्य अउ परिवार कल्याण विभाग ले संबंधित बिकास काम 19 लाख 36 हजार रूपिया के काम बुता के भूमिपूजन करिस। मुख्यमंत्री श्री भूपेश बघेल ह छत्तीसगढ़ स्टेट पावर डिस्ट्रीब्यूशन कंपनी लिमिटेड ब 04 करोड़ 03 लाख 22 हजार के लागत के 02 ठ बिकास काम के घलो शिलान्यास करिस।
मुख्यमंत्री श्री भूपेश बघेल ह 36.57 करोड़ के कई ठ बिकास काम के लोकार्पण घलो करिस। जेमा नगर पालिक निगम रईपुर के 13 ठ बुता ब 32 करोड़ 76 लाख 33 हजार, नगर पालिक निगम बिरगांव के 02 ठ काम ब 74 लाख 87 हजार, छत्तीसगढ़ ग्रामीण सड़क विकास अभिकरण के काम ब 50 लाख 36 हजार, छत्तीसगढ़ स्टेट पावर डिस्ट्रीब्यूशन के 01 ठ काम ब 02 करोड़ 56 लाख 41 हजार रुपिया के राशि के बिकास कार्य के लोकार्पण करिस। विकास के कई ठ उपहार देत हुए मुख्यमंत्री ह कहिस के हमर सरकार गांव, गरीब, किसान अउ आम जनता ल विकास के मुख्यधारा ले जोडे़ ब संकल्पित हवय।
