भिलाई 3 म आयोजित विजयादशमी कार्यक्रम म संघरे पहुंचे मुख्यमंत्री ह नागरिक मन ल दीन पर्व के शुभकामना
रायपुर, विजयादशमी पर्व म भिलाई 3 के मैदान म संघरे पहुंचे मुख्यमंत्री श्री भूपेश बघेल ह कहिन कि राम हमार कण कण म बसे हे। हमार जीवन के शुरुआत ले लेके आखरी यात्रा तक राम हमार जीवन के आधार हे। छत्तीसगढ़ ह भगवान श्रीराम ल दिल म संजोके रखे हे। माता कौशल्या के मया घलोक ये धरती ल मिले हे।
मुख्यमंत्री ह कहिन कि रावण भाठा शहर के बाहिर होत रहिस, राम बस्ती के भीतरी। मुख्यमंत्री ह कहिन कि राम कथा के आदर्श मन ले हमर जीवन समृद्ध होय हे। आज इहां म रामलीला मंडली ह सुंदर राम कथा के मंचन करिस। मैं राम लीला मंडली के कलाकार मन ल घलोक पर्व के बधाई देत हंव। उमन कहिन कि ये पइत भिलाई 3 के दशहरा मैदान म 21 वां पइत ये आयोजन होवत हे। मोला हर पइत इहां सामिल होके बहुत खुशी मिलथे। ये मौका म राज्यसभा सांसद श्रीमती छाया वर्मा ह घलोक नागरिक मन ल विजयादशमी पर्व के बधाई दीन।
