दुर्ग, 26 अप्रैल 2020। निगम के स्वच्छता कर्मी कोरोना वारियर्स के रूप म सबो वार्ड म घर घर जाके सघन रूप ले सेनेटाइज करे के संग मनखे मन ल सोशल डिस्टेंस के पालन करे ल प्रेरित करत हें। भिलाई निगम क्षेत्र म कोरोना वायरस के संक्रमण के रोकथाम बर निगम प्रशासन आमजन ले अपील करत हे के मनखे मन अपन घरे म रहंय ताकि कोरोना वायरस ल फैले ले रोके जा सकय। एखर संगेच निगम प्रशासन कोति ले जन जागरूकता बर पाम्प्लेट चस्पा करे जात हे। सबो जोन कार्यालय के कर्मचारी मन ले वाहन म स्पीकर के माध्यम ले अति जरूरी काम ले बाहिर निकलइया मनखे मन ल फेस कवर करे मास्क या आन कोनो उपाय अनिवार्य रूप ले अपनाए के अपील करत हें। नगर पालिक निगम, भिलाई के स्वास्थ्य विभाग के टीम सबो वार्ड ल सेनेटाइज करके संक्रमण मुक्त करे ल जुटे हें। सोडियम हाइपोक्लोराइड के घोल ले जरूरी सेवा वाले दुकान, घर मन म, व्यवसायिक क्षेत्र मन म, बाजार क्षेत्र म टैंकर अउ हैन्ड स्प्रे के माध्यम ले 1685 जगा म निगम के कर्मचारी मन ह सेनेटाइज करे के काम करत हें।
निगम म आज जुनवानी साहू पारा नहर लाईन, यादव पारा, माडल टाउन बाम्बे घर, यादव पारा, दीक्षित कालोनी, संजय नगर, धनवंत्री स्कूल तीर, रेवती किराना स्टोर, कृष्णा नगर, हार्डवेयर लाईन, गल्ला मार्केट, नेहरू भवन के पीछू, असरफी रोड, फरीद नगर, साकेत नगर, मुर्गी फार्म तीर, आंनद चैक, शांतिनगर, राजीवनगर, अम्बेडकर नगर, वैशालीनगर, कुरूद बस्ती, वृन्दानगर, प्रजापति लाईन के पिछे, आदर्श नगर, आंध्र गणेश मंच तीर, तेलुगू मोहल्ला, विजय काम्पलेक्स रोड, टाटा लाईन, मोची मोहल्ला, किशन चैक, गायत्री मंदिर, मछली मार्केट, डंपिंग प्वाइंट, शारदा पारा , कबीर कुटी ले पप्पू चैक तक, मराठी मोहल्ला सुलभ के पीछू, अंकुर चैक, घासीदास मोहल्ला, शीतला मंदिर लाईन, सम्पत गली, मोची मोहल्ला, शिवशंकर लाइन, केएलसी लाईन, क्रांति मार्केट, बैक लाइन, गुजराती मोहल्ला, सुभाष नगर, अटल घर, जय हिन्द चैक संग कई ठन वार्ड के घर, दुकान, बाजार क्षेत्र अउ सार्वजनिक स्थान मन मे सोडियम हाईपोक्लाराइड के घोल के छिड़काव करके सेनेटाइज करे गीस।
