प्रधानमंत्री श्री नरेन्द्र मोदी ह भिलाई आईआईटी के स्थाई परिसर ल करिन राष्ट्र ल समर्पित

रायपुर, 20 फरवरी 2024। प्रधानमंत्री श्री नरेन्द्र मोदी ह आज भिलाई स्थित भारतीय प्रौद्योगिकी संस्थान (आईआईटी) के स्थाई परिसर ल राष्ट्र ल समर्पित करिन। उमन जम्मू म आयोजित वर्चुअल कार्यक्रम म आईआईटी भिलाई के संग कुरुद अऊ कवर्धा म केन्द्रीय विद्यालय के नवा बने भवन के घलोक लोकार्पण करिन। मुख्यमंत्री श्री विष्णु देव साय भिलाई आईआईटी ले ऑनलाइन लोकार्पण कार्यक्रम म जुड़े रहिन। उमन भिलाई के उच्‍च तकनीकी राष्ट्रीय संस्थान आईआईटी के स्थाई परिसर ल राष्ट्र ल समर्पित करे बर प्रधानमंत्री के प्रति आभार व्यक्त करिन। करीब 400 एकड़ म संस्थान के कैंपस विकसित करे जात हे। सांसद श्री विजय बघेल, विधायक श्री डोमन लाल कोर्सेवाड़ा अऊ श्री ललित चन्द्राकर, पूर्व मंत्री श्री प्रेमप्रकाश पाण्डेय, श्रीमती रमशीला साहू, भिलाई आईआईटी के बोर्ड ऑफ गवर्नर्स के चेयरमैन श्री के. वेंकटरमनन अऊ निदेशक प्रो. राजीव प्रकाश घलोक लोकार्पण कार्यक्रम ले वर्चुअली जुड़े रहिन।