रायपुर, 18 दिसम्बर 2020। राज्य सरकार कोति ले हरेक बछर राज्य स्थापना दिवस के अवसर म देहे जाए वाले राज्य अलंकरण सम्मान के तहत गुरू घासीदास सामाजिक चेतना अऊ अनुसूचित जाति उत्थान सम्मान- 2020 के पुरस्कार भिलाई सेक्टर-6 के गुरू घासीदास सेवा समिति ल उत्कृष्ट काम बर प्रदान करे गए हे। मुख्यमंत्री श्री भूपेश बघेल ह काली अपन निवास कार्यालय म गुरू घासीदास सेवा समिति के अध्यक्ष श्री संतकुमार केशकर अऊ ऊंखर पदाधिकारी मन ल शॉल अऊ श्रीफल के संग प्रमाणपत्र अऊ पुरस्कार राशि के रूप म दू लाख रुपए के चेक प्रदान करिन। ये बेरा म मुख्यमंत्री श्री बघेल ह संस्था के काम मन के सराहना करत कहिन के बाबा गुरू घासीदास के बताए मार्ग के अनुसरण करत सामाजिक उत्थान के क्षेत्र म जऊन काम करे जात हे वो सराहनीय हे। उमन संस्था के पदाधिकारी मन ल बधाई अऊ शुभकामना दीन। ये दौरान पुरस्कार चयन समिति के अध्यक्ष अऊ नगरीय प्रशासन अऊ विकास मंत्री डॉ. शिवकुमार डहरिया, आदिम जाति अऊ अनुसूचित जाति विकास मंत्री डॉ. प्रेमसाय सिंह टेकाम, आदिम जाति अऊ अनुसूचित जाति विकास विभाग के सचिव श्री डी.डी. सिंह, गुरू घासीदास साहित्य अऊ संस्कृति अकादमी के पदाधिकारी श्री के.पी. खाण्डे, डॉ. जे.आर. सोनी, राजश्री सदभावना सेवा समिति के अध्यक्ष श्रीमती शकुन डहरिया, पार्षद श्री सुंदर लाल जोगी आदि उपस्थित रहिन।
लउछरहा..
पलायन मतदाता मतदान करे आहीं अपन घर – घर आ जा संगी के तहत अब तक 1295 मन ह देहे हें अपन सहमति
April 26, 2024 Surabhi Tiwari Comments Off on पलायन मतदाता मतदान करे आहीं अपन घर – घर आ जा संगी के तहत अब तक 1295 मन ह देहे हें अपन सहमतिदुर्ग, 26 अपरेल 2024। जिला प्रशासन ह लोकसभा निर्वाचन 2024 म शत्-प्रतिशत् मतदान करवाए बर रंग...सामान्य प्रेक्षक श्री बालाजी राव ह करिन पाटन क्षेत्र के मतदान केन्द्र के दउरा
April 24, 2024 Surabhi Tiwari Comments Off on सामान्य प्रेक्षक श्री बालाजी राव ह करिन पाटन क्षेत्र के मतदान केन्द्र के दउरादुर्ग 24 अपरेल 2024/ भारत निर्वाचन आयोग ह संसदीय क्षेत्र निर्वाचन नंबर 07 दुर्ग बर नियुक्त...सबो प्रकार के वाहन मन के करव सघन जांच- कलेक्टर अउ जिला निर्वाचन अधिकारी
April 24, 2024 Surabhi Tiwari Comments Off on सबो प्रकार के वाहन मन के करव सघन जांच- कलेक्टर अउ जिला निर्वाचन अधिकारीदुर्ग 24 अप्रैल 2024। लोकसभा निर्वाचन 2024 बर जिला अंतर्गत गठित उड़नदस्ता दल (एफएसटी), स्थैतिक निगरानी...