भिलाई, 02 जून 2020। शहर के सिनेमा प्रेमी मन बर दुखद खबर हे. भिलाई के प्रसिद्ध सिनेमा हॉल चंद्रा-मौर्या टॉकीज उपर लॉकडाउन के जबर असर देखे बर मिले हे. टॉकीज ल बंद करे के फैसला कैंपस म एक नोटिस चिपका के करे गये हे. जोन म लिखे गये हे कि 30 मई के मध्य रात ले येला बंद कर दिये गये हे. टॉकीज 2 साल ले घाटा म चलत रहिस. अब लॉकडाउन के कारण येला शुरू करना संभव नई हे. आपमन ल बता देथन की चंद्रा-मौर्या शहर के एक मात्र अइसे टॉकीज हे जिहां ज्यादातर छत्तीसगढ़ी फ़िल्म मन के प्रदर्शन होवय. टॉकीज के बंद होय ले कही न कही सिनेमा प्रेमी अउ सिनेमा जगत ले जुड़े लोग मन म निराशा हे.
