बॉलीवुड, छत्तीसगढ़ के लोक पारंपरिक गीत-संगीत के संग होइस भोरमदेव महोत्सव के विधिवत समापन

कवर्धा, भोरमदेव महोत्सव के दूसर दिन इंडियन आईडल सेलीब्रीटी बॉलीवुड सिंगर अनुष्का बनर्जी, नचिकेत लेले, निहाल तारों, हमर पारा तुहर पारा फेम अनिल मानिकपुरी के संग स्कूली लइका मन ह दीन मनमोहक प्रस्तुति।
छत्तीसगढ़ के लोक-पारंम्परिक लोकगीत अऊ बॉलीवुड के सुपर-डूपर हिन्दी फिल्म के गाना के संग कबीरधाम जिला म आयोजित भोरमदेव महोत्सव साल 2022 के विधिवत समापन होइस। महोत्सव के दूसर दिन आयोजित सांस्कृतिक कार्यक्रम के शुभारंभ दीप प्रज्जवलन अऊ छत्तीसगढ़ के राजकीय गीत अरपा पैरी के धार, महानदी हे अपार……………जय हो जय हो छत्तीसगढ़ मैया के संग विधिवत शुभारंभ होइस।