भुवनेश्वर, 28 दिसंबर 2023। छत्तीसगढ़ के राज्यपाल श्री विश्वभूषण हरिचंदन गत दिवस भुवनेश्वर म राष्ट्र निर्माण म युवा मन के भूमिका विसय म आयोजित राज्य स्तरीय युवा महोत्सव अउ गीतांजलि एक्सीलेंस अवार्ड -2023 कार्यक्रम म सामिल होइन। ये बेरा म श्री हरिचंदन ह कहिन कि युवा समाज के प्रहरी हे। स्वस्थ अउ सुंदर देश के निर्माण म युवा मन के भूमिका सबले महत्वपूर्ण हे। ओ मन देश के भविष्य हे, युवा ही देश ल सही रद्दा म ले जा सकत हें। युवा, गांधी, गोपबंधु अऊ मधुबाबू ले प्रेरणा लेवयं अऊ शोषित मन ल उंखर अधिकार देवाए म मदद करयं अऊ राष्ट्र के भलाई म योगदान देवयं।
राज्यपाल श्री हरिचंदन ह नशा के रोकथाम अऊ समाज ल नशा ले दूर रहे के आह्वान करिन। राज्यपाल ह कहिन कि युवा मन ल नशा ले दूर रहना चाही अऊ समाज ल पंगु बना देवया नशा के प्रति सावधान रहना चाही। ये सहराए के लइक हे कि युवा मन ह कोरोना संकट के समय मदद बर अपन जीवन के बलिदान देहे हें। उमन कहिन कि भारत के युवा मन के संख्या दुनिया म सबले जादा हे। कहूं युवा खुद ल साबित करयं त हमर देश दुनिया म सर्वश्रेष्ठ बन जाही। राज्यपाल ह युवा मन ले स्वामी विवेकानन्द के जइसे सुधारवादी अऊ प्रगतिशील बने के संगे-संग नेताजी सुभाषचंद्र बोस के कौशल अऊ साहस के गुण ल अपनाए के घलोक आह्वान करिन।
ये मौका म 12 युवा मन ल राज्यपाल ह सम्मानित करिन। कार्यक्रम म जयदेव विधानसभा क्षेत्र के विधायक अरविंद सियालदी, खुर्दा के पहिली विधायक फिलिप श्रीचंदन, संस्थान के सलाहकार सुचिस्मिता परवारी, चेयरमैन रंजन महापात्र, मेजर जोडे संग सैकड़ों युवा उपस्थित रहिन।