रायपुर, 15 जुलाई 2021। मुख्यमंत्री श्री भूपेश बघेल ले आज संझा ऊंखर निवास कार्यालय म छत्तीसगढ़ जनपद पंचायत अध्यक्ष संघ के प्रदेश अध्यक्ष श्रीमती भूमिका कत्थाकार के सियानी म प्रतिनिधि मंडल ह सौजन्य मुलाकात करिस। मुख्यमंत्री श्री बघेल ले मुलाकात के बेरा म जनपद पंचायत अध्यक्ष संघ के प्रतिनिधि मंडल ह क्षेत्र म चलाए जात विकास काम मन के बारे म ओ मन ल अवगत कराइन अऊ मनखे मन के उत्थान बर एला महत्वपूर्ण बताइन। ये बेरा म प्रतिनिधि मंडल ह राजीव गांधी किसान न्याय योजना, गोधन न्याय योजना संग नरवा, गरूवा, घुरवा, बाड़ी आदि बहुत अकन कार्यक्रम मन के घलोक उल्लेख करत कहिन कि एखर से गांव, गरीब अऊ किसान आदि सबो वर्ग के मनखे मन ल आगू बढ़े बर सुग्घर अवसर मिले हे। ये बेरा म प्रतिनिधि मंडल म सर्वश्री टिकेश साहू, बसंत आडिल, श्रीमती सत्यभामा नाग, जागरूप सोनकर, जगन राम भगत आदि उपस्थित रहिन।
मुख्यमंत्री श्री बघेल ले छत्तीसगढ़ जनपद पंचायत संघ के प्रतिनिधि मंडल ह करिस सौजन्य मुलाकात
