भूमकाल आंदोलन आदिवासी मन के स्वाभिमान, जल, जंगल, जमीन अऊ स्वतंत्रता के लड़ाई के चिन्‍हारी: श्री भूपेश बघेल

• मुख्यमंत्री ह अमर शहीद गुण्डाधुर के प्रतिमा के करिन वर्चुअल लोकार्पण

रायपुर, मुख्यमंत्री श्री भूपेश बघेल ह भूमकाल दिवस के एक दिन पहिली आज अपन रायपुर निवास कार्यालय ले नगर पालिका कांकेर के घड़ी चौक म स्थापित अमर शहीद गुण्डाधुर के प्रतिमा के वर्चुअल लोकार्पण करिन। मुख्यमंत्री श्री भूपेश बघेल ह अमर शहीद गुण्डाधुर ल नमन करत कहिन कि उमन बस्तर म भूमकाल आंदोलन के नेतृत्व करिन। भूमकाल आंदोलन सन् 1909 म चालू होए रहिस। ये आंदोलन आदिवासी मन के स्वाभिमान, आदिवासी मन के जल, जंगल अऊ जमीन अऊ आदिवासी मन के स्वतंत्रता के लड़ाई रहिस। उमन सीमित संसाधन मन के बावजूद अंग्रेज मन ले लोहा लीन। उमन अंग्रेज मन के आगू नइ झुकिन। उमन आदिवासी समाज ल जोडि़न।