रायपुर, 20 मार्च 2021.मुख्यमंत्री दाउ भूपेश बघेल वीरांगना रानी अवन्ती बाई लोधी बलिदान दिवस कार्यक्रम म होेइन शामिल
जोगी दल्ली गांव के शीतला तरिया सौन्दर्यीकरण, सामुदायिक भवन निर्माण, नवीन पंचायत भवन निर्माण, शमशानघाट म सड़क निर्माण के घोषना करीन।
सर्व समाज भवन बर 10 लाख रूपिया अउ लाल बहादुर नगर म सामाजिक भवन निर्माण खातिर 15 लाख रूपिया के दीन मंजूरी।
मुख्यमंत्री दाउ भूपेश बघेल ह आज राजनांदगांव जिला के ग्राम जोगी दल्ली म आयोजित वीरांगना रानी अवन्ती बाई लोधी बलिदान दिवस के कार्यक्रम म संंधरीन। उनमन वीरांगना रानी अवन्ती बाई लोधी के प्रतिमा के अनावरण करके उन ल लमन करीन। अपने उद्बोधन म मुख्यमंत्री ह कहीन कि वीरांगना रानी अवन्ती बाई लोधी ह देश केे आजादी अउ स्वाभिमान के रक्षा खातिर अंग्रेजमन ले युद्ध करीन। देश के हित म अपन परान को बलिदान देवइया विभूति मन कोेनो एक समाज अउ धरम के नइ होवय भलकुुन संपूर्ण समाज बर आदरणीय होथें।
