मुख्यमंत्री श्री भूपेश बघेल ह आज इहां अपन निवास कार्यालय म आयोजित वर्चुअल कार्यक्रम म गोधन न्याय योजना के हितग्राही मन ल 4 करोड़ 40 लाख रूपिया के करही भुगतान

मुख्यमंत्री श्री भूपेश बघेल आज इहां अपन निवास कार्यालय म आयोजित वर्चुअल कार्यक्रम म गोधन न्याय योजना के हितग्राही म ल 4 करोड़ 40 लाख रूपिया के करिस भुगतान
कार्यक्रम म कृषि मंत्री श्री रविन्द्र चौबे, मुख्यमंत्री के सलाहकार श्री प्रदीप शर्मा अउ विनोद वर्मा, छत्तीसगढ़ खनिज विकास निगम के अध्यक्ष श्री गिरीश देवांगन, मुख्य सचिव श्री अमिताभ जैन, अपर मुख्य सचिव श्री सुब्रत साहू, कृषि उत्पादन आयुक्त श्री कमलप्रीत सिंह अउ अधिकारी मन ह उपस्थित रहिन हे।
मुख्यमंत्री ह 1 अपरेल ले 15 अपरेल तक गऊठान मन म पशुपालक ग्रामीण, किसान, भूमिहीन मन करा बिसाए 1.30 लाख क्विंटल गोबर के बदला म 2 करोड़ 59 लाख रूपिया, गऊठान समिति मन ल1 करोड़ 6 लाख रूपिया अउ महिला समूह ल 75 लाख रूपिया के लाभांश राशि ऑनलाईन अंतरित करिस
राज्य म 15 अपरेल 2023 तक गऊठान मन म 112.34 लाख क्विंटल गोबर के खरीदी करे गए हे।
गोबर विक्रेता मन ल क्रय करे गए गोबर के एवज म 224 करोड़ 68 लाख रूपिया के भुगतान करे जा चुका हे।
गऊठान समिति अउ महिला स्व-सहायता समूह मन ल 192 करोड़ 65 लाख रूपिया के भुगतान कर डारे हे।
गोधन न्याय योजना कोती ले राज्य म हितग्राहि मन ल लगभग 439 करोड़ 73 लाख रूपिया के भुगतान हो गए हे।
वर्तमान म 50 फीसद ले जादा गऊठान स्वावलंबी हो गए हे, जेन मन स्वयं के पइसाए गोबर अउ गौमूत्र के खरीदी के संग गऊठान के अउ कछु कछु व्यवस्था मन ल करत हे।
मुख्यमंत्री श्री भूपेश बघेल ह कार्यक्रम ल संबोधित करत हुए बाढ़त गरमी ल देखत हुए कहिन के गऊठान म पैरा, पानी, छइन्हा के व्यवस्था सुनिश्चित करे जाही।
मुख्यमंत्री ह अधिकारी मन ल दौरा कर के गऊठन मन के निरीक्षण कर के जम्मो व्यवस्था ल सुनिश्चित करे ब कहिन हे।
गऊठान समिति के बईठक करे जाए।
पशु मन ह हरीयर चार के व्यवस्था करे जाए।
गोबर खरीदी म स्वावलम्बी गऊठन मन के योगदान के मुख्यमंत्री ह सराहना करिन।
आश्रित गांव मन म घलो मांग अनुसार गईठन बनाए के स्वीकृति दीए जाए।