मुख्यमंत्री श्री बघेल ईद के मुबारकबाद देहे ल वनमंत्री के घर पहुचिन
रायपुर, मुख्यमंत्री श्री भूपेश बघेल आज बिहनिया ईद-उल-फितर के मौका म राजधानी रायपुर के ईदगाह भाठा मैदान पहुंचिन। मुख्यमंत्री ह उहां मुस्लिम समाज के मनखे मन ले बड़ आत्मीयता के संग मुलाकात करिन, ओ मन ल गला लगाइन अऊ ईद के मुबारकबाद दीन।
एखर अवसर म विधायक सर्वश्री सत्यनारायण शर्मा अऊ श्री कुलदीप जुनेजा, नगर निगम रायपुर के पार्षद श्री एजाज ढेबर, श्री रमेश वार्ल्यानी, जामा मस्जिद के इमाम श्री अहमद कारी, सर्वश्री मोहम्मद अहमद, रुस्तम अहमद संग समाज के बहुत अकन पदाधिकारी अऊ सदस्य बड़ संख्या म उपस्थित रहिन। एखर पहिली ईदगाह म समाज के मनखे मन ह ईद के नमाज अदा करिन।
मुख्यमंत्री श्री बघेल ईद के मुबारकबाद देहे ल वनमंत्री के घर पहुचिन
मुख्यमंत्री श्री भूपेश बघेल ह आज बिहनिया ईद-उल-फितर के मौका म वन अउ पर्यावरण मंत्री मोहम्मद अकबर के मौहदापारा स्थित घर पहुंचके ओ मन ल ईद के मुबारकबाद दीन। श्री बघेल ह एखर पहिली ईदगाह भाठा स्थित मोहम्मद अमजद, बैरन बाजार स्थित सर्वश्री हसन खान, हमीद हयात अऊ नयापारा गौसिया चौक स्थित श्री सलाम रिजवी अऊ श्री नाजिम निजाम के घर पहुंचके ओ मन ल ईद के मुबारकबाद दीन।
