मुख्यमंत्री श्री भूपेश बघेल ह कवि सम्मेलन के लीन आनंद

पद्मश्री डॉ. सुरेन्द्र दुबे, डॉ. कुमार विश्वास, श्री अशोक चारण, सुश्री मणिका दुबे के कविता मन ले मोहाइन श्रोता
राजनांदगांव, मुख्यमंत्री श्री भूपेश बघेल ह 10 नवम्बर के राष्ट्रीय उत्सव समिति कोति ले स्टेट हाई स्कूल म आयोजित अखिल भारतीय कवि सम्मेलन वाह…वाह… राजनांदगांव के दीया जलाके शुभारंभ करिन। मुख्यमंत्री श्री बघेल ह कार्यक्रम ल संबोधित करत कहिन कि जेन कवि सम्मेलन म कुमार विश्वास शिरकत करय, उहां सोना म सुहागा जइसे बात हे। उमन सबो ल देवारी अऊ छठ परब के हार्दिक बधाई दीन। उमन कहिन कि स्वर्गीय श्री विजय पाण्डेय ह जेन परंपरा चालू करे रहिन ओ ल ऊंखर सुपुत्र श्री तथागत पाण्डेय ह आगू बढ़ाए हे। उमन उम्मीद जताईन कि ओ मन अपन पिता स्वर्गीय विजय पाण्डे के सामाजिक सेवा के काम मन ल आगू बढ़ात रइहीं। ये बेरा म मुख्यमंत्री ह कवि सम्मेलन के आनंद लीन।
राष्ट्रीय उत्सव समिति कोति ले आयोजित अखिल भारतीय कवि सम्मेलन वाह…वाह… राजनांदगांव म पद्मश्री डॉ. सुरेन्द्र दुबे, डॉ. कुमार विश्वास, श्री अशोक चारण, सुश्री मणिका दुबे सामिल होइन। पद्मश्री डॉ. सुरेन्द्र दुबे के हास्य व्यंग्य के कविता मन ह श्रोता मन ल अड़बड़ हंसाइस। उमन कोरोना के बाद कतका बाचें…, छत्तीसगढिय़ा काफिंडेंस…, जे मन काखरो नवा सुनय ते पुलिस वाले मन आज कविता सुनत हे…, जइसे हास्य कविता म नले श्रोता मन ल आनंद ले सराबोर करिन। डॉ. कुमार विश्वास ह कहिन कि अंतर्मन म देश के महान साहित्यकार गजानंद माधव मुक्तिबोध के धरती ल प्रणाम करे के इच्छा रहिस, जेन आज पूरा हो गे। उमन कहिन कि कोरोना के विषम हालत ले हमर देश उबरे हे। इहां के माटी के तासीर ही अलग हे। उंखर कविता हादसा के जद म हे, त का मुस्कुराना छोड़ दन… जइसे प्रेरक अऊ ओजस्वी कविता सुनके श्रोता मंत्रमुग्ध होइन। श्री अशोक चारण, सुश्री मणिका दुबे के कविता मन ह घलोक श्रोता मन ल बांधे रखिस।
ये बेरा म आन पिछड़ा वर्ग विकास प्राधिकरण के अध्यक्ष श्री दलेश्वर साहू, अनुसूचित जाति प्राधिकरण के अध्यक्ष श्री भुनेश्वर बघेल, छत्तीसगढ़ अंत्यावसायी सहकारी वित्त अऊ विकास निगम श्री धनेश पाटिला, खुज्जी विधायक श्रीमती छन्नी साहू, महापौर श्रीमती हेमा देशमुख, जिला सहकारी केन्द्रीय बैंक के अध्यक्ष श्री नवाज खान, कलेक्टर श्री तारन प्रकाश सिन्हा, पुलिस अधीक्षक श्री डी श्रवण, अकतहा पुलिस अधीक्षक श्रीमती प्रज्ञा मेश्राम, एसडीएम राजनांदगांव श्री अरूण वर्मा अऊ आन जनप्रतिनिधि अऊ अधिकारी उपस्थित रहिन।