आईएएनएस- सी वोटर ह छत्तीसगढ़ के मुख्यमंत्री श्री भूपेश बघेल ल बताइस देश के सबले अच्छा मुख्यमंत्री

रायपुर, आईएएनएस-सी वोटर गवर्नेंस इंडेक्स के मुताबिक छत्तीसगढ़ के मुख्यमंत्री श्री भूपेश बघेल देश म सबले अच्छा प्रदर्शन करइया मुख्यमंत्री ये। श्री बघेल ल सबो मुख्यमंत्री मन के बीच सर्वोच्च लोकप्रियता रेटिंग मिले हे।
आईएएनएस ह अपन सर्वे रिपोट जारी करत कहे हे कि श्री बघेल ह छत्तीसगढ़ म कई कल्याणकारी योजना शुरू करे हे, जेमा निजी स्कूल मन म पढ़इया लइका मन ल मुफ्त शिक्षा प्रदान करना सामिल हे, जेमन कोविड -19 म अपन माता-पिता / अभिभावक मन ल खो दे हे। महतारी दुलार योजना के तहत अइसन लइका मन के पढ़ाई के खर्च छत्तीसगढ़ सरकार वहन करत हे। नीति आयोग के एसडीजी इंडिया इंडेक्स रिपोट 2020-21 के मुताबिक, सतत् विकास लक्ष्य के लैंगिक समानता पैरामीटर म छत्तीसगढ़ भारत म शीर्ष प्रदर्शन करइया राज्य हे। नीति आयोग 115 संकेतक मन म सबो राज्य मन अऊ केंद्र शासित प्रदेश मन के प्रगति ल ट्रैक करे गए हे। पाछू बछर, छत्तीसगढ़ ह लैंगिक समानता पैरामीटर म 43 अंक हासिल करे रहिस अऊ भारत म सातवा स्थान म रहिस। ये साल, छत्तीसगढ़ ह 61 स्कोर करिस अऊ चार्ट म शीर्ष स्थान म रहिस।
सी वोटर के संस्थापक श्री यशवंत देशमुख ह कहिन, “अइसन मुख्यमंत्री ल मनखे मन ह पसंद करे हे जेमे निर्णय लेहे के सामरथ हे अऊ जेकर काम करे के शैली सीईओ जइसे हे।

लउछरहा..