रायपुर, मुख्यमंत्री श्री भूपेश बघेल 3 अऊ 4 जून के दिन सरगुजा अऊ बिलासपुर संभाग के दू दिन के दौरा म रइही। अपन प्रवास के बेरा म ओ मन संभागीय मुख्यालय म सरगुजा विकास प्राधिकरण के बैठक अऊ वन अधिकार कार्यशाला म सामिल होहीं। एखर अलावा ओ मन चौपाल कार्यक्रम के तहत दुनों संभाग के कई गांव मन म जनता मन ले मिलहीं अऊ शासकीय कार्यक्रम मन के क्रियान्वयन के जानकारी लेहीं।
उंखर निर्धारित दौरा कार्यक्रम के अनुसार मुख्यमंत्री श्री बघेल 3 जून के बिहनिया 9.50 बजे पुलिस ग्राउण्ड रायपुर ले हेलीकॉप्टर ले रवाना होके 11.15 बजे संभागीय मुख्यालय अम्बिकापुर पहुंचहीं अऊ 11.45 बजे ले सर्किट हाऊस म वन अधिकार पट्टा के वितरण करे के बाद मंझनिया 12 बजे कलेक्टोरेट म सरगुजा विकास प्राधिकरण के बैठक लेहीं। एखर बाद ओ मन 1.30 बजे वन अधिकार कार्यशाला म सामिल होहीं। मुख्यमंत्री संझा 4 बजे अम्बिकापुर ले रवाना हो के सरगंवा पहुंचहीं अऊ चौपाल कार्यक्रम म सामिल होहीं। एखर बाद ओ मन अम्बिकापुर लहुट आहीं अऊ उहें रतिहा थिराहीं।
मुख्यमंत्री 4 जून के बिहनिया 10.30 बजे अम्बिकापुर ले रवाना होके 11 बजे ग्राम बेलसर (विकासखण्ड शंकरगढ़, जिला-बलरामपुर), 12.40 बजे केशवनगर (जिला-सूरजपुर), 2.50 बजे केराझरिया (विकासखण्ड-पाली, जिला-कोरबा), 4.20 बजे ग्राम लोहदा (विकासखण्ड-पथरिया, जिला-मुंगेली) म आयोजित चौपाल कार्यक्रम म सामिल होए के बाद संझा 6.15 बजे रायपुर लहुट आहीं।
