मुख्यमंत्री दाउ भूपेश बघेल संधरीन बाबा गुरु घासीदास के जनमभूमि अउ तपोभूमि गिरौदपुरी धाम गुरुदर्शन मेला म

मुख्यमंत्री दाउ भूपेश बघेल ह आज बाबा गुरु घासीदास के जनमभूमि अउं तपोभूमि गिरौदपुरी धाम म आयोजित गुरुदर्शन मेला म संधरीन।। उनमन गुरु गद्दी अउ जैतखाम के पूजा-अर्चना करके माथ नवाइन अउ छत्तीसगढ़ के अढई करोड़ जनता के खुशहाली अउ तरक्की बर बिनती बिनोइन । ये बेेरा म उन्मन गिरौदपुरी मेला आयोजन समिति के अध्यक्ष अउ गुरु गद्दीनशीन श्री विजय गुरु ले तकोे गुरु निवास म मुलाकात करीन अउ उन्कर आशीर्वाद तको लिन। गुरु रूद्रकुमार ह मंदिर म स्थापित जैतखाम म सफेद पाला चढ़ाइन। तीन दिवसीय गुरुदर्शन मेले के आज समापन रिहिस । उहांं नगरीय प्रशासन अउ विकास मंत्री डॉ. शिव डहरिया, संसदीय सचिव अउ स्थानीय विधायक श्री चंद्रदेव राय, संसदीय सचिव सुश्री शकुन्तला साहू, कलेक्टर सुनील जैन, एसपी आई.के. अलिसेला केे संंगे—संंग अब्बड़ ​झन राजमहन्त, संत अउ श्रद्धालु मन उपस्थित रिहिन।