सूरजपुर पहुंचके मुख्यमंत्री श्री बघेल ह करिन ममागांव आवत भांचा राम के अगवानी

राम वन गमन पर्यटन पथ म अपन ममागांव कोति बढ़त राम, लक्ष्मण अऊ सीता के अगवानी मुख्यमंत्री श्री भूपेश बघेल ह सूरजपुर म पूजा-अर्चना करके करिन। छत्तीसगढ़ के परंपरा के मुताबिक उमन भांचा राम के स्वागत आगू बढ़के करिन। भगवान राम पर्यटन रथ म सवार होके चंदखुरी कोति बढ़त हें, जऊन उंखर ममागांव ये। रथ के संग बाईक रैली चलत हे, अइसनहे एक रथ दक्षिण छत्तीसगढ़ के सुकमा ले घलोक चंदखुरी कोति बढ़त हे। दुनों रद्दा म राम, लक्ष्मण अऊ सीता के स्वागत बर भीड़ उमड़त हे, उंखर स्वागत कलश, दीया अऊ फूल ले करे जात हे। ऊंखर रद्दा म फूल बिछाये जात हे।