मुख्यमंत्री ह नवा सरकार के एक साल पूरा होए म प्रदेशवासी मन ल दीन बधाई

रायपुर, मुख्यमंत्री श्री भूपेश बघेल ह नवा सरकार के एक साल पूरा होए म प्रदेशवासी मन ल बधाई दीन। उमन अपन सन्देश म कहे हें कि पाछू एक साल म राज्य सरकार ह जनता ले करे बहुत अकन वादा ल पूरा करे हे। राज्य सरकार जनाकांक्षा मन ल पूरा करे बर ईमानदारी अऊ निष्ठा के संग काम करत हे। किसान मन के कर्ज माफी अऊ 2500 रूपिया प्रति क्विंटल धान खरीदी, बिजली बिल हाफ, तेंदूपत्ता संग्रहण के दर 4000 रुपए प्रति मानक बोरा करे गए हे, ग्रामीण अर्थव्यवस्था ल मजबूत बनाए बर ’’नरवा, गरवा, घुरवा, बाड़ी’’ योजना, सर्वभौम सार्वजनिक वितरण योजना, मुख्यमंत्री सुपोषण योजना, मुख्यमंत्री हाट बाजार क्लीनिक योजना, मुख्यमंत्री शहरी स्लम क्लीनिक योजना, डॉ खूबचंद बघेल स्वास्थ्य योजना, मुख्यमंत्री विशेष स्वास्थ्य सहायता योजना संग गांव, किसान, मजदूर, महिला, युवा संग समाज के सबो वर्ग के उन्नति बर बहुत अकन योजना प्रारम्भ करे गए हे। श्री बघेल ह गढ़वो नवा छत्तीसगढ़ के संकल्प दुहरात कहिन हे कि हम सबो के सहयोग ले छत्तीसगढ़ ल पुरखा मन के सपना के जइसे विकसित, समृद्ध, स्वास्थ्य अऊ खुशहाल राज्य बनाबोन।