शंखनाद अऊ मंत्रोच्चार के संग 31 ब्राम्हण मन ह व्यक्त करिन आभार
रायपुर, 8 जून 2020 / मुख्यमंत्री श्री भूपेश बघेल कोति ले धार्मिक स्थल मन म आज ले फिजिकल अऊ सोशल डिस्टेंसिंग के संग पूजा अर्चना चालू करे जाए के निर्णय के स्वागत करत आज ऊंखर निवास स्थान म रायपुर विधायक श्री विकास उपाध्याय के नेतृत्व म 31 ब्राम्हण मन ह शंखनाद अउ मंत्रोच्चार के संग उंखर आभार व्यक्त करके अभिनंदन करिन।
विधायक श्री विकास उपाध्याय ह छत्तीसगढ़ म धार्मिक स्थल मन के खोले के पूरा श्रेय मुख्यमंत्री श्री बघेल ल देवत कहिन के उंकरे प्रयास ले ये वाले शुभ काम सम्भव हो पाए हे । ब्राम्हण मन ह मुख्यमंत्री श्री बघेल के आभार व्यक्त करत ऊंखर नेतृत्व म राज्य सरकार कोति ले करे जात काम मन के सराहना करिन।
मुख्यमंत्री श्री बघेल ह ब्राम्हण गण मन ले कोरोना महामारी के बचाव बर मन्दिर मन म मास्क अउ सेनेटाइजर के संग ही फिजिकल डिस्टेंसिंग के अनिवार्य पालन करे ल कहे हें। उमन कहिन कि आप मन सुरक्षित रइहु तभे मन्दिर परिसर घलोक सुरक्षित होही।