रायपुर, 28 जनवरी 2020। केन्द्रीय गृह मंत्री श्री अमित शाह के आज भिनसरहा रायपुर के विमानतल पहुंचे म मुख्यमंत्री श्री भूपेश बघेल ह उंखर अगवानी करिन।
हम आप ल बता देवन के केन्द्रीय गृह मंत्री श्री अमित शाह के अध्यक्षता म आज नवा रायपुर म मध्य क्षेत्रीय परिषद के 22वां बैठक आयोजित करे गीस। ये बैठक म मध्य क्षेत्रीय परिषद म सामिल छत्तीसगढ़, उत्तरप्रदेश, उत्तराखण्ड अऊ मध्यप्रदेश राज्य के मुख्यमंत्री, मंत्रीगण, मुख्य सचिव अऊ वरिष्ठ विभागीय अधिकारी सामिल होइन। मध्य क्षेत्रीय परिषद के गठन केन्द्र सरकार अऊ परिषद म सामिल राज्य मन के समन्वय ले ए राज्य मन म संतुलित सामाजिक-आर्थिक विकास के संग अन्तर्राज्यीय समस्या मन ल हल करे के उद्देश्य ले एक उच्च स्तरीय सलाहकार मंच के रूप म करे गए हे। छत्तीसगढ़ के मुख्यमंत्री श्री भूपेश बघेल मध्य क्षेत्रीय परिषद के उपाध्यक्ष हें, ए खातिर ये बैठक छत्तीसगढ़ म आयोजित करे गीस। क्षेत्रीय परिषद म सामिल राज्य मन के मुख्यमंत्री ल रोटेशन म परिषद के उपाध्यक्ष बनाए जाथे, जिंकर कार्यकाल एक साल के होथे।
