जंगल बीच गौरेला म खुलही योग सेंटर
योग आयोग के अध्यक्ष श्री ज्ञानेश शर्मा योग के प्रति जागरूकता बढ़ाए बर करत हे दौरा
रदपुर, 11 जुलाई 2022
छत्तीसगढ़ योग आयोग द्वारा दूर-दराज क्षेत्र मन म योग सेंटर खोलके योग ल लोगन के रोजमर्रा जिनगी के हिस्सा बनाए म लगे हे। येकर बर योग के क्षेत्र म बूता करइया लोगन मन ल सकेल के नियमित योगाभ्यास के प्रचार-प्रसार अउ योग के प्रति जागरूकता पैदा करे के उदीम करे जावत हे। इही कड़ी म आयोग के अध्यक्ष श्री ज्ञानेश शर्मा इतवार के वनांचल जिला गौरेला-पेण्ड्रा-मरवाही पहुंचीन। उन योग संस्था, मास्टर ट्रेनर, योगाचार्य अउ समाज कल्याण विभाग के अधिकारी मन के बइठका लीन। बइठका म गौरेला म योग सेंटर शुरू करे बर 06 सदस्यीय समिति के गठन करे गिस। योग सेंटर मंगली बाजार सांस्कृतिक भवन गौरेला म 28 जुलाई 2022 ले प्रारम्भ करे जाही। ये बेरा म विधायक मरवाही डॉ. केके धु्रव, योग आयोग के सदस्य श्री रविन्द्र सिंह तको रिहिन।
जंगल बीच गौरेला म खुलही योग सेंटर
